Bu gün Azərbaycan Milli Kitabxanasında 23 aprel - Ümumdünya Kitab və Müəlliflik Hüququ gününə həsr olunmuş konfrans keçirilib.

APA-nın məlumatına görə, “Cəmiyyətin intellektinin formalaşmasında kitab və mütaliənin rolu” mövzusunda olan konfrans Mədəniyyət Nazirliyi, Milli Kitabxana, Xarici İşlər Nazirliyi və UNESCO üzrə Milli Komitənin birgə təşkilatçılığı ilə baş tutub.

Milli Kitabxananın direktoru Kərim Tahirov bildirib ki, Ümumdünya Kitab və Müəlliflik Hüququ gününün qeyd olunması qərarı 1995-ci ildə UNESCO tərəfindən verilib, 1996-ci ildən də bütün dünyada keçirilir: "Azərbaycan isə bu günü Ulu Öndər Heydər Əliyevin təşəbbüsü ilə 1998-ci ildən qeyd etməyə başlayıb. Bu günün Azərbaycanda keçirilməsi təsadüfi deyil. Çünki Azərbaycanda ötən yüz il ərzində bir neçə dəfə əlifba dəyişdirilib. Sonuncu dəfə müstəqillik qazandıqdan sonra latın qrafikasına keçmişik və cənab Prezident İlham Əliyevin sərəncamı ilə latın qrafikasında kitablar nəşr olunub, kitabxanalara paylanılıb".

H.Əliyevin də kitabları çox sevdiyini deyən K.Tahirov onun Milli Kitabxanaya 300 ədəd kitab hədiyyə etdiyini vurğulayıb: "Biz hər dəfə bu kitabları gənclərə nümayiş etdirir, Ulu Öndərin oxucu kimi təcrübəsini gənclər arasında yayırdıq.Təəssüflər olsun ki, bu il bu tədbiri keçirə bilmədik. İnanıram ki, telzikə pandemiya bitəcək və belə tədbirləri davam etdirəcəyik".

Mədəniyyət nazirinin birinci müavini Vaqif Əliyev isə nazirliyin kitab nəşrinə və müəllif hüquqlarının qorunmasına böyük yer verdiyini diqqətə çatdırıb: “Azərbaycan öz müstəqilliyini əldə edəndən sonra bu məsələyə daha ciddi yanaşılır. Kitabı qorumaq, müəllif hüququnu müdaifə etmək Azərbaycan dövlətini hər zaman düşündürüb. Ona görə də Heydər Əliyev hakimiyyətə gələndən sonra kitab, nəşriyyat, əqli mülkiyyətlə bağlı bir sıra məsələlərə diqqət yönəldildi. Hazırda da bu sahəyə geniş diqqət ayrılır".

Sonra konfrans çıxışlarla davam edib.

• Bekketin məşhur əsəri Gənc Tamaşaçılar Teatrının səhnəsində - Premyera
• "Təvazökarlıq insanın öz həqiqi dəyərini anlamasıdır..." - Anatol Fransın sitatları
• "Özüm üçün yaşamaq alnıma yazılmayıb..." - Gülxani Pənahın şeirləri