Çində başlayan və dünyada 2 milyon 100 mindən çox insanın yoluxduğu koronavirus epidemiyasından zərər çəkənlərin arasında sənət dünyasının tanınan simaları da var.

Kulis.az xarici meidaya istinadən xəbər verir ki, xəstəliyə yoluxub qalib gələn dünyaca məşhur simalar xəstəliyin irəliləmə proseslərindən və yaşadıqları ağrılardan danışıblar.

“Ceyms Bond” filminin növbəti seriyasında rol alan aktrisa Olqa Kurylenko koronavirusa qalib gəldiyini vinc hissi ilə izləyiciləri ilə paylaşıb. Hələ də səhərlər öskürdüyünü deyən 40 yaşlı aktrisa xəstəlik zamanı yaşadığı ağırları belə ifadə edib: “Bir həftə boyu özümü pis hiss etdim. Günümü əsasən yataqda keçirirdim və yatırdım. Qızdırmam vardı və başım çox ağrayırdı. İkinci həftə qızdırmam düşdü, amma öskürək başladı. Özümü çox yoğrun hiss edirdim. İkinci həftənin sonuna qədə özümü yaxşı hiss etməyə başladım. Amma səhərlər hələ də az-az öskürürəm”.

Tom Henskin həyat yoldaşı aktrisa Rita Vilson da CBS də yayımlanan bir proqrama qatılaraq xəstəliklə bağlı təcrübəsini bölüşüb: “Son dərəcədə ağrı və narahatlıq hiss etdim. Heç kimin mənə toxunmasını istəmirdim. Sonra qızdırma başladı. Əvvəllər heç vaxt yaşamadığım bir titrətmə gəldi bədənimə”.

Məşhur ulduz Pink oğlu ilə birlikdə yaşadığı xəstəlik müddətini bölüşərkən uşaqların təsirlənmədiyi deyildiyi virusa yoluxan azyaşlı oğlunun bu günləri çox çətin keçirtdiyini bildirib: “Son üç həftə boyu oğlumun və özümün əlamətlərimi bir dəftərə qeyd etdim. Üç həftə sonra hələ də yüksək qızdırma var. Bu hər ikimiz üçün bir luna park qatarı kimi idi. Həqiqətən də çox qorxunc idi. Yalan söyləməyəcəyəm. Başlanğıcda bu xəstəliyin uşaqların, gənclərin həyatı üçün çox təhlükə törətməyəcəyi söylənilirdi. Amma oğlum həqiqətən də çox xəstə idi və çox çətinliklə atlatdı bu dövrü. Bizə uşaqlarımızın yaxşı olacağına dair söz verdiklərini düşünmüşdüm. Amma anladım ki, heç kim bu xəstəlikdən sığortalanmayıb”.

İdris Elba həyat yoldaşı ilə birlikdə keçirtdiyi karantin günlərini belə ifadə edib: “Qəribədir. Çünki əsla hərəkətsiz oturmuram. Sbarina da həmçinin. Məncə onun üçün daha çətindir, çünki darıxır. İkimiz də yaxşıyıq. Ruhən də pozitiv olmağa çalışırıq. Bu vəziyyətdə ən əsası ağlınızı başınızda saxlayın və qəti şəkildə panikaya qapılmayın. Bir asma xəstəsi olaraq bu xəstəliyi pis keçirəcəyimi, hətta qalib gələ bilməyəcəyimi düşündüm, amma şükürlər olsun ki, xilas oldum və siz də xilas ola bilərsiniz”.

“Qalatasaray”ın baş məşqçisi Fatih Terim təxminən bir aydır mübarizə apardığı koronavirusa qalib gəldiyini “İnstaqram” hesabından bildirib. Müalicə mərhələsində çəki itirdiyini deyən Fatih Terim koronavirusun müalicəsi üçün qan donoru olacağını açıqlayıb: “Bəlkə də bundan sonra heç nə əvvəlki kimi olmayacaq, amma yeni başlanğıclar üçün ilham olacaq. Heç vaxt ümidsizliyə qapılmadan, əhvalımızı yüksək tutacağıq inşallah”.

Con Teylor uzun müddət düşündükdən sonra açıqlama vermək qərarına gəldiyini söyləyib. O sosial media hesabındakı paylaşımında: “Üç həftə əvvəl keçdiyim koronavirus testim pozitiv çıxdı. 59 yaşında sağlam və şanslı bir adamam ki, bu müddəti yüngül atlatdım. Yenidən səhnəyə çıxmağı səbirsizliklə gözləyirəm. Bu xəstəliyə qalib gələ bilərik və gələcəyik” - deyib.

• Ulduzların iştirak etdiyi müzikl yenidən səhnəyə qayıdır
• Türkiyəli müğənni süni tənəffüs aparatına qoşuldu
• "Şeytan İncili"ni yazan okkultist yazıçı Anton Şandor LaVey kim idi?