İncəsənət Muzeyində ustad dərsləri keçirilib

İncəsənət Muzeyində ustad dərsləri keçirilib
25 fevral 2020
# 19:00

Tarixin bütün mərhələlərində inkişaf edərək Azərbaycan mədəniyyətinin ayrılmaz hissəsini təşkil edən, Azərbaycan xalq-tətbiqi sənətinin əvəzsiz və tükənməz sərvətlərindən biri olan xalça sənəti xalqımızın milli mədəniyyət tarixində özünəməxsus yer tutur.

Bu məqsədlə Azərbaycan Milli İncəsənət Muzeyində xalq yaradıcılığının unudulmaqda olan növlərinin gələcək nəslə tanıtmaq, yenidən yaşatmaq və sevdirmək məqsədilə “Sehrli naxışlar” adlı yeni ustad dərslərinə başlanılıb.

Uşaqların yaradıcılıq bacarıqlarının inkişafını təkmilləşdirən və tarixi-mədəni dəyərlərimizi təbliğ edən ustad dərslərində kiçik ziyarətçilər Azərbaycan xalçaçılıq mərkəzləri, xalça növləri, tipləri haqqında ətraflı məlumat əldə edəcək, xovsuz xalçaların ən geniş yayılmış növlərindən biri olan palazı öz sehrli əlləri ilə toxuyacaqlar. Bundan başqa, ustad dərslərində milli nağıllarımız əsasında hazırlanmış “Kölgə tamaşa”sını izləyəcək, “De Burun sarayı" kimi tanınan muzeyin yeni binasında Qərbi Avropa, Rus və Şərq incəsənətinin müxtəlif dövr, çeşid və üslublarını özündə ehtiva etdirən misilsiz bədii incilərlə tanış olacaq, dünya incəsənəti haqqında dolğun və ətraflı təsəvvür əldə edəcəklər.

Ustad dərslərində uşaqlar, həmçinin təsviri sənətin müxtəlif janrlarını kəşf edəcək, muzeyin ekspozisiyasında sərgilənən mədəniyyətimizin milli-mədəni sərvətləri ilə tanış olacaqlar.

Azərbaycan Milli İncəsənət Muzeyi bütün azyaşlı sənətsevərlərini “Sehrli naxışlar” layihəsində iştirak etməyə dəvət edir. Təqdim olunan xidmətlərin yüksək keyfiyyətdə həyata keçirilməsi üçün öncədən qeydiyyatdan keçmək lazımdır.

Qeyd edək ki, dərslər fevralın 27-dək davam edəcək. /azertag.az/

# 2421 dəfə oxunub

Oxşar xəbərlər

Şəhər işıqlıdır, amma ümidli deyil...  - Bakı ilə necə yadlaşdıq?

Şəhər işıqlıdır, amma ümidli deyil... - Bakı ilə necə yadlaşdıq?

15:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Şamaxıda Üzüm və Şərab Festivalı start götürür

Şamaxıda Üzüm və Şərab Festivalı start götürür

16:30 13 sentyabr 2025
İran və Azərbaycan qarşılıqlı mədəniyyət günləri keçirəcək

İran və Azərbaycan qarşılıqlı mədəniyyət günləri keçirəcək

16:05 13 sentyabr 2025
Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
#
#
Ana səhifə Yazarlar Bütün xəbərlər