Flora Kərimovadan gözlənilməz etiraf: "Mənə görə qızıma çox zərbələr dəydi"

Media

Ana səhifə
Media

Flora Kərimovadan gözlənilməz etiraf: "Mənə görə qızıma çox zərbələr dəydi"

15 fevral 2021

10:31

“İstəmirəm camaat evə yığılanda şəkilim divarda olsun”

Kulis.az xəbər verir ki, bu sözləri Xalq artisti Flora Kərimova “ATV maqazin onlarla” verilişinin “33 sual” rubrikasında söyləyib. İlk dəfə vəsiyyətini açıqlayan Xalq artisti ölümündən kimsənin xəbər tutmasını istəmədiyini bildirib:

“Mən dünyadan köçdüyüm anı heç kim bilməsin. Mənim dünyada olmadığımı heç kim bilməsin. Bilirəm nə qədər gizlədilsə də axın olacaq, insanlar gələcək. Mənim övladlarım onları necə yola salar? Başlarını itirərlər. İstəmirəm camaat evə yığılanda şəkilim divarda olsun. İstəmirəm şəkilimə baxım “yazıq” desinlər, ağlasınlar mənə. Mənə elə gəlir ki, mən üşüyərdim o göz yaşlarından.

Daha sonra qadın xoşbəxtliyindən söz açan Flora Kərimova sadəcə xoşbəxt ana ola bildiyini deyib:

“Xoşbxət anayam, amma xoşbəxt qadın ola bilmədim. İtkilərim çox oldu. Qızım tək qaldı. Bir yerə qızımla gedəndə boynu bükük qaldı. Mənə görə qızıma çox zərbələr dəydi. Diplomundan tutmuş ona olan münasibətlərə qədər.”