Dünyaca məşhur roman Azərbaycanda nəşr edildi

Dünyaca məşhur roman Azərbaycanda nəşr edildi
2 iyul 2020
# 10:09

Azərbaycan əsilli İran yazıçısı, dünya şöhrətli dramaturq Qulamhüseyn Saedinin məşhur “Bəyəl əzadarları” romanı Azərbaycanda çap olunub.

Əsəri fars dilindən Azərbaycan türkçəsinə tərcüməçi Ariz Tarverdiyev çevirib.“Orijinal roman strukturu ilə diqqət çəkən, çap olunduğu il İranda böyük səs-küyə səbəb olan “Bəyəl əzadarları” romanı dünya magik realizminin ilk nümunələrindən sayılır.

Əsərdə özünü taleyin hökmünə təslim etmiş zavallı kəndlilərin fanatizm, cəhalət, qorxu, tabu, mistika burulğanında çarəsizliyi əks olunur. “Bəyəl” adlı ucqar kənd sakinlərinin başına gələn hadisələr, əslində, böyük bir cəmiyyətin bədbəxtliyindən xəbər verir. Müəllif heç bir mühakimə etmədən oxucunu obrazlarla üz-üzə qoyaraq bəyəllilərin heç vaxt bitməyən əzadarlığına dəvət edir...”

Romanın motivləri əsasında çəkilmiş “İnək” filmi ilk neorealist film kimi İran kinosunu dünya miqyasına çıxarıb. Ölmüş inəyinin yoxluğu ilə barışa bilməyən bir kəndlinin “inəyə çevrilməsi”ndən bəhs edən ekran işinin 1971-ci ildə 32-ci Venesiya festivalında tənqidçi mükafatına, daha sonra Berlin və Kann film festivallarında “ən yaxşı rejissor işi” nominasiyası üzrə təltiflərə layiq görülməsi həm əsərə, həm də ssenarinin müəllifi Qulamhüseyn Saediyə böyük şöhrət gətirib.

Roman “Parlaq İmzalar” nəşriyyatı tərəfindən çap edilib, həcmi 300 səhifədir. /avanqard.net/

# 2019 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #