Dünən vəfat edən bəstəkarın bacısı Firəngiz Əlizadəni sərt tənqid etdi: Yalan danışır!

Dünən vəfat edən bəstəkarın bacısı Firəngiz Əlizadəni sərt tənqid etdi: Yalan danışır!
27 sentyabr 2021
# 12:27

"Qardaşımın məgər sahibi yox idi ki, qocalar evində vəfat etsin? Onun burda bircə qızı və mənim kimi bacısı var."

Kulis.az xəbər verir ki, bu sözləri ötən gün Kanadada vəfat edən Azərbaycanın tanınmış bəstəkarı, əməkdar incəsənət xadimi Adil Bəbirovun bacısı Elmira Bağırova Firəngiz Əlizadənin bəstəkarın Kanadada yaşadığı qocalar evində vəfat etdiyi haqda açıqlamasına münasibət bildirərkən deyib.

O, həmçinin bildirib ki, qardaşı müalicə olunduğu xəstəxanada vəfat edib: “Mən bilmirəm Firəngiz Əlizadə qardaşımın qocalar evində vəfat etdiyini hardan fikirləşib tapıb. Qardaşımın məgər sahibi yox idi ki, qocalar evində vəfat etsin? Onun burda bircə qızı və mənim kimi bacısı var. Sadəcə Adil müəllimin ayağı sınmış, bunun nəticəsində daban hissəsi irinləmişdi. Hər şey yaxşı idi, daha yaxşı gəzməsi və sağalması üçün biz onu səhiyyə müəssisəsinə yerləşdirdik və hər gün yanına gedib gəlirdik. Vəfat etdiyi günün gecəsi müalicə olunduğu səhiyyə ocağında piano ifa edib və ətrafda olan hər kəs heyrət içində onu izləyib.Sanki ölüm ürəyinə damıbmış kimi. Həkimlərin müayinəsindən sonra yatıb və ayılmayıb. Firəngiz Əlizadə deyir ki, bizim onunla əlaqəmiz yoxdu. O, nə vaxt əlaqə yaradıb ki? İttifaq sədri kimi nə vaxt yada salıb qocaman bəstəkarı? Hətta Adil Bəbirov kimi insan təqaüd belə almırdı. Mənə verilən məlumata görə qardaşımın şəklini heç İttifaqın divarından belə asmayıblar. Səbəbini də Firəngiz Əlizadə Adil Bəbirovun xalq artisti olmaması ilə izah edib. Mənim qardaşım xalq artisti olmaya bilər, amma onun əsərləri qızıl fondda saxlanılır. Çox təəssüf edirəm ki, Firəngiz Əlizadə bu cür yalan məlumat yayıb. O rəsmi adamdı gərək dəqiqləşdirib məlumat yaysın”

Elmira Bağırova onu da bildirib ki, Adil Bəbirov Kanadada dəfn olunub: “Qardaşım uzun illər yaşadığı Kanadada dəfn olunub. Biz artıq bununla bağlı işləri görmüşük. Yaşadığımız ərazidə məscid var. Ora müraciət etdik və Adil Bəbirov müsəlman qaydaları ilə dəfn olundu.”

Qeyd edək ki, bəstəkarın ölümü ilə bağlı jurnalistlərin sualını cavablandıran Bəstəkarlar İttifaqının sədri Firəngiz Əlizadə onun qocalar evində öldüyünü və Kanadada da dəfn olunacağını bildirib. Həmçinin əlavə edib ki, bir neçə gün əvvəl yekunlaşan 13-cü Üzeyir Hacıbəyli adına Beynəlxalq Musiqi Festivalında Adil Bəbirovun da əsərləri səsləndirilib.

Məlumat üçün bildirək ki, Adil Musa oğlu Bəbirov 1934-cü il fevralın 5-də anadan olub. Müxtəllif illərdə Şövkət Ələkbərova, İslam Rzayev, Flora Kərimova, Elmira Rəhimova, İlhamə Quliyeva, Akif İslamzadə və başqa sənətçilər Adil Bəbirovun musiqi əsərlərini ifa ediblər. Adil Bəbirov həmçinin kino filmlərə, teatr tamaşalarına da musiqi bəstələyib.

/laftv.az/

# 5884 dəfə oxunub

Oxşar xəbərlər

“The Comeback King”  filminin treyleri yayımlandı

“The Comeback King” filminin treyleri yayımlandı

18:51 19 noyabr 2026
Xulio İqlesias  barəsində araşdırma başladı

Xulio İqlesias barəsində araşdırma başladı

17:48 19 noyabr 2026
“Glastonbury-2027”nin əsas ifaçıları məlum oldu

“Glastonbury-2027”nin əsas ifaçıları məlum oldu

17:12 19 noyabr 2026
Məşhur yazıçı vəfat etdi

Məşhur yazıçı vəfat etdi

16:47 19 noyabr 2026
Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

16:21 19 noyabr 2026
“İvan İliçin ölümü” tamaşasının premyerası keçirildi

“İvan İliçin ölümü” tamaşasının premyerası keçirildi

15:55 19 noyabr 2026
#
#
Ana səhifə Reels Yazarlar Xəbərlər