Bəyaz pendir, qırmızı çaxır, qar yağır... - Seçmə şeirlər

Bəyaz pendir, qırmızı çaxır, qar yağır... - Seçmə şeirlər
23 noyabr 2019
# 18:12

Mütaliə, sənət fəsli sayılan qışın gəlişilə əlaqədar Kulis.az Azərbaycan ədəbiyyatında qara həsr olunmuş sevilən şeirləri təqdim edir.

Musa Yaqub - "Qar"

Gallery

“Ulduz tək üstümə səpələn, ey qar,
Geydirdin əynimə ağappaq donu.
Sənin ki, bu qədər təmizliyin var,
Bağışlamaq olar soyuqluğunu.
Ulduz tək üstümə səpələn, ey qar.
Belə təmizlikdən isinmək olar.”

Ramiz Qusarçaylı - "Qar"

Gallery


Yağır, yaman yağır Qubanın qarı,
Yenə Təngə qardı,
Afurca qardı.
Üzür dağ kəndini qışın qubarı
Tox toxa söylənir, ac aca, - qardı.

Qar qovur küləyi o dağ, bu dağda,
Sovrulur, səslənir dərə tabaqda,
Beləcə yağırdı min il qabaq da
Bu qar köhnə qardı,
çox qoca qardı...

Zirvədən asılıb soyuyur bulud,
Unut soyuqluğu buludum, unut...
Bir evdə od yanır,
bir evdə sükut
Bir baca tüstüdü,
bir baca qardı.

Qar düşüb ovçunun tələsinə də,
Qar qonub tüfəngin lüləsinə də,
Qar yağır gecənin şöləsinə də
Bu qar sirli qardı, tapmaca qardı.

Boyundan boy verir boyların üstə,
Oynayır sıldırım layların üstə,
Uzanıb ən uzun çayların üstə,-
Adına gəlincə,- bir heca, Qardı...

Adil Mirseyid - "Qar eskizi"

Gallery

Qar yağır
Qar yağır
Qar yağır
Qar yağır

...Qara çörək
Bəyaz pendir
Qırmızı çaxır

Qar yağır
Qar yağır
Qar yağır
Qar yağır...

# 16792 dəfə oxunub

Oxşar xəbərlər

Türkiyədə dəmir yolu vağzalları muzey kimi fəaliyyət göstərəcək

Türkiyədə dəmir yolu vağzalları muzey kimi fəaliyyət göstərəcək

13:44 18 noyabr 2026
Alban-Udi icmasının nümayəndələri Amaras monastırını ziyarət etdi

Alban-Udi icmasının nümayəndələri Amaras monastırını ziyarət etdi

13:23 18 noyabr 2026
Rusiyanın "Lenkom" teatrında axtarış aparıldı

Rusiyanın "Lenkom" teatrında axtarış aparıldı

13:19 18 noyabr 2026
Yeraltı küçə mədəniyyətinin 60 illik təkamülünü sənədləşdirən sərgi açıldı

Yeraltı küçə mədəniyyətinin 60 illik təkamülünü sənədləşdirən sərgi açıldı

12:16 18 noyabr 2026
Süni intellekt musiqi kliplərinin də yaradılmasına başlayır – “Suno” yeni alətini təqdim etdi

Süni intellekt musiqi kliplərinin də yaradılmasına başlayır – “Suno” yeni alətini təqdim etdi

11:46 18 noyabr 2026
Məşhur aktyor həbs edildi - Səbəb

Məşhur aktyor həbs edildi - Səbəb

11:17 18 noyabr 2026
#
#
Ana səhifə Reels Yazarlar Xəbərlər