İsraildə “Near Nazareth Festival” (NNF) Beynəlxalq Kinofestivalının yeddinci mövsümü Azərbaycan kinematoqrafçılarının filmlərinin nümayişi ilə açılıb.

Kulis.az xəbər verir ki, ənənəvi olaraq Kinofestival "Аzİs" İsrail-Azərbaycan Beynəlxalq Assosiasiya ilə birgə keçirilir. Festivalın direktoru Liliya Bermanın qeyd etdiyinə görə bu Azərbaycan kinematoqrafçılarının aktiv iştirakı və İsrail tamaşaçılarının onların işlərinə böyük marağı ilə əlaqələndirirlir.

Festivalda tamaşaçılarının diqqətini çəkən filmlərdən biri də “Albert Aqarunovun həyatı və qəhrəmanlığı” sənədli filmi olub.

Filmi Azərbaycan əsilli İsrail rejissoru Səadət Şükürova çəkib. Bu qısametrajlı sənədli filmdə Azərbaycanın kiçik kəndi Əmircanda böyük və mehriban ailədə doğulan yəhudi oğlanın - Albert Aqarunovun həyatından, müharibə başlandığı zaman düşünmədən vətəni erməni işğalçılarından qorumağa getməsindən bəhs edilir.

Filmdə vacib məqamı Aqarunovun döyüş yoldaşlarının xatirəsi tutur. Onlardan hər biri öz xatirələrini bölüşür və eşidilənlərdən Aqarunovun unikal xüsusi bir insan olduğunu anlamaq olar.

Həmçinin filmdə Aqarunovun öz tankının üstündə verdiyi məşhur müsahibəsi də yer alıb.

Tankçının şücaətləri insanların qəlbində ömürlük qalacaq. Azərbaycan xalqı Milli Qəhrəman Albert Aqarunovu xatirəsini əziz tutur və onu hər zaman yad edir. /day.az/

• Bilsəydik, əvvəldən namərd olardıq - Samir Mirzə
• Ölkəmiz Özbəkistanda Qran-pri mükafatını qazanıb
• İki böyrəkli alçaqlar - Əli Ucalın hekayəsi