Bakıda Rusiyanın Əməkdar artisti ilə görüş keçirildi - Fotolar

 Bakıda Rusiyanın Əməkdar artisti ilə görüş keçirildi - Fotolar
12 fevral 2020
# 16:42

Azərbaycan Musiqi Mədəniyyəti Dövlət Muzeyində tanınmış skripkaçı, görkəmli Azərbaycan bəstəkarı Qara Qarayevin tələbəsi, Rusiyanın Əməkdar artisti, Moskva, Sibir və İsrail skripkaçılar ansambllarının yaradıcısı və bədii rəhbəri Mixail Parxomovski ilə görüş keçirilib.

Mədəniyyət Nazirliyinidən Kulis.az-a verilən məlumata görə, görüşdə M.İ.Parxomovski Azərbaycan Musiqi Mədəniyyəti Dövlət Muzeyinə Azərbaycan bəstəkarları - Qara Qarayev, Arif Məlikov, Tofiq Quliyev, Cahangir Cahangirov, Süleyman Ələsgərov, Emin Sabitoğlu, Oqtay Kazımov, dünya bəstəkarları – İ.S.Bax, İ.Brams, G. Hendel, V. A. Motsart, P.İ.Çaykovski, N. Rimski-Korsakov, S.Raxmaninov və başqa bəstəkarların əsərlərinin skripkaçılar ansamblı üçün özünün müəllif işləmələrini (Ümumilikdə : 232 partitura), foto, qramval və disk hədiyyə edib.

M.İ.Parmoxovski Bakıya gəlməsində və Azərbaycan Musiqi Mədəniyyəti Dövlət Muzeyinə hədiyyə etmə fikrinin reallaşmasında göstərdiyi diqqətə görə Azərbaycan Respublikasının Mədəniyyət Naziri Cənab Əbülfəs Qarayevə, böyük dostu, bəstəkar, Azərbaycan Respublikasının Xalq artisti Fərəc Qarayevə öz dərin təşəkkürünü bildirib.

Görüşün bədii hissəsində Azərbaycan Dövlət Simli Kvarteti və Bakı Musiqi Akademiyasının “Detaşe” Violinoçular Ansamblının (Bədii rəhbər - Azərbaycan Respublikasının Xalq artisti, professor Zəhra Quliyeva) ifalarında Azərbaycan və dünya klassiklərinin əsərlərindən ibarət konsert proqramı təqdim olunub.

# 2433 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #