Azərbaycanlı rejissor Elçin Ağazadənin “Uğur böcəyi” adlı filmi ABŞ-ın Florida ştatında 15 dəqiqəlik qısa sosial filmlər arasında “Ən yaxşı sosial film” nominasiyasının qalibi olub.
Kulis.az xəbər verir ki, ekran əsəri autizmli uşaqlara həsr olunub. Kiçik oğlunun autizm sindromlu olması rejissorun bu işə təşəbbüs göstərməsinə səbəb olub. Filmin baş qəhrəmanı balaca Fatimə rolu ilə autizmə xas davranışları maksimum əks etdirə bilib. Görünür, bu da amerikalı film mütəxəssislərinin diqqətini cəlb edib.
Filmin rejissorları Elçin Ağazadə, Elmar Bayramov, operatoru Tərlan Xaqverdiev, icraçı prodüseri Anar Yəhya, rolları Fatimə Əliyeva, Ülviyyə Rza və Kənan Əsgərzadə ifa ediblər.
Xatırladaq ki, Elçin Ağazadə buna qədər bir çox milli mənəvi dəyərlərlə bağlı kliplərin və sənədli filmlərin rejissoru olub. Onun çəkdiyi "Cənnət ətri", "Səngərdə azan", "Zamana sığmayan Nəsimi", "Klassik ədəbiyyatımızda imam Hüseyn" və s. işləri rəğbətlə qarşılanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər