Rus Dram Teatrının aktyoru Yaroslav Trifonov koronavirus səbəbi ilə teatrların qapadılması barədə “Teatrın tənhalığı” adlı videoçarx hazırlayıb.
Bu barədə Kulis.aza aktyor özü məlumat verib. O, bildirib ki, teatr səhnəsində rus dilində hazırlanan videonun ideya müəllifi və rejissoru özüdür. Mətn, işıq və montaj isə Emil Hüseynova məxsusdur. Səhnəyə çıxan aktyor teatrın obrazını yaratmağa, teatrı ifadə etməyə çalışır.
“Videonun ideya müəllifi mənəm. Aktyorun geyimlərindən tutmuş, qrimə qədər hamısını özüm etmişəm. Səsləndirdiyim şeirin müəllifi, işıqlandırma, montaj isə dostum Emil Hüseynova məxsusdur. İdeya haqqında Emilə deyəndə o, məni dəstəklədi və bu videonu çəkməyi qərara aldıq. Videonu Rus Dram teatrında çəkmişik. Bunun üçün teatrın direktoruna müraciət etdim, O, da bizə icazə verdi. Burada heç bir maddi təmənna yoxdur. Sadəcə olaraq mən teatrı çox sevirəm və teatrsız darıxıram. Teatra daş, divar, bina kimi baxmıram. Mənə görə teatr canlı sənət növüdür, onun da ürəyi var. İndi isə iki ildir ki, teatra insan ayağı dəymir. O, darıxır. Videoda da görəcəksiniz ki, səhnədəki aktyor kimi teatrı ifadə edirəm.”
Videoda teatr səhnəsinə təkbaşına çıxan aktyor teatrın obrazını yaradır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər