Xətai rayon Mərkəzləşdirilmiş Kitabxana Sistemi "Xoş gəldin Zəngilan" adlı videoçarx hazırlayıb.
Videoçarxda Zəngilan rayonunun abidələrindən, gözəl təbiətindən və rayonun azadlığı uğrunda döyüşlərdə qəhrəmancasına şəhid olan Vətən oğullarından bəhs edilib.
Bildirilir ki, Zəngilan rayonu 1993-cü il oktyabrın 29-da Ermənistan silahlı qüvvələri tərəfindən işğal olunub. Rayon işğal olunmazdan qabaq erməni qüvvələri tərəfindən tam mühasirəyə alınıb və on minlərlə insan qırılmaq təhlükəsi ilə üz-üzə qalib. Hər tərəfdən mühasirədə qalan sakinlər Araz çayını keçərək xilas olublar.
Uzun müddət düşmən tapdağında qaldıqdan sonra 2020-ci il oktyabrın 20-də Zəngilan şəhəri və Havalı, Zərnəli, Məmmədbəyli, Həkəri, Şərifan, Muğanlı kəndləri, oktyabrın 21-də Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qıraq Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri, oktyabrın 22-də isə Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi Azərbaycan Silahlı Qüvvələri tərəfindən işğaldan azad edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
