“Türkiyədə yazarların paradını görəndən içimdə məni heç tərk etməyən arzu doğuldu. Kaş bizdə də olardı.”

Bu sözləri kitabın təbliği ilə bağlı fikirlərini Kulis.aza açıqlayan yazar Aysel Əlizadə söyləyib. O, daha sonra əlavə edib:

“İllərdir, çağdaş Azərbaycan ədəbiyyatı öz növbəsini gözləyir. Hesab edirəm ki, ölkə olaraq ən önəmli işi görmüşük. Ərazi bütövlüyümüzü bərpa etmişik. Şuşanın mədəniyyət mərkəzi elan edilməsi Azərbaycanda böyük mədəni prosesin başlanğıcı ola bilər. Vaqif Poeziya Günlərinin bərpa edilməsi, məktəb tikilməsi planı, Şuşaya mədəniyyət xadimlərinin büstlərinin açılışı ilə ayaq basmamız mədəniyyət ölkəsinə çevrilməmizə yol açır. Bu proses Şuşada Kitab Evinin yaradılması ilə davam etsə, dünya bizim mədəniyyətə, kitaba bağlı ölkə olduğumuzu görər. Bəzən, təkcə silahla deyil, kitabla da qalib olmaq mümkündür. Bəzən də silahın edə bilmədiyini kitab edə bilir. Təklif edirəm, Şuşada Kitab Evinin açılışı olsun. Kitab festivalı, yazarların paradı keçirilsin. Dünyaca tanınmış yazarları, nobelçiləri ölkəmizə dəvət edək, kitab günləri keçirək. Bu, əsl mədəniyyət hadisəsi olar. Bütün zamanlarda ölkələrin mədəni səviyyəsi orada olan kitab evlərinin, kitabxanaların, muzeylərin sayı ilə ölçülür. Bizim belə bir ölkə olmaq potensialımız yüksəkdir. Hər kəsi bu təklifimə qoşulmağa dəvət edirəm.”

• Nasistlərin oğurladığı tarixi rəsm əsəri zibillikdən tapıldı
• Teatr Xadimləri İttifaqının Mustafa Mərdanov səhnəsində premyera
• İspaniyada 2500 illik tunc araba tapıldı: Yeni mədəniyyətin sirləri