Kulis.az şair, meyxanaçı Kamranın (Kubinka) qəzəllərini təqdim edir.
Bu sevgi bağının mənə şirin bəlası çatmadı
Gülün səfası, bülbülün səsi-sədası çatmadı.
Uzaqlıq adiləşdisə səadət əlçatan deyil
Dualı dillərin demək xeyir-duası çatmadı.
Gələndə nagüman gəlib könül verən könülsüzün
Gedəndə son görüş günü bir əlvidası çatmadı.
Nəfəs-nəfəs əzizlədim darıxmasın, sıxılmasın
O, baş götürdü getdisə, yəqin havası çatmadı.
Bərabər oldu səhvimiz, bu eşqi əldə tutmadıq
Mənim bir az cəsarətim, onun vəfası çatmadı.
***
Kaş həsrət ayaq tutduğu yollar düyün olsun
Ömrümdə səadət nəfəsi büs-bütün olsun.
Hər nazına, şıltaqlığına sadəcə susdum
Adətdir evin son beşiyi ərköyün olsun.
Xoş halıma, uğrunda ölüm varsa, ölüm də
Qurban olacaqsa, bu könül eşq üçün olsun.
Hər gün gedəcəksən deyə min qorxu keçirtdim
Bir gün gedəcəksənsə, o bir gün bu gün olsun.
Kamran qərarın verdi, gedirsənsə qayıtma
Bir də sənin arxanca gələn tünbətün olsun.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər