ADU-da Pakistan Mədəniyyət Mərkəzinin açılışı olub

ADU-da Pakistan Mədəniyyət Mərkəzinin açılışı olub
31 iyul 2021
# 12:52

Azərbaycan Dillər Universitetində (ADU) Pakistan Mədəniyyət Mərkəzinin açılışı olub.

APA-nın xəbərinə görə, açılış mərasimində Pakistan Milli Assambleyasının spikeri Əsəd Qeysər iştirak edib.

Açılış mərasimindən sonra Pakistan Milli Assambleyasının spikerinin rəhbərlik etdiyi nümayəndə heyəti ilə Universitet rəhbərliyi və azərbaycanlı deputatlar arasında görüş keçirilib.

Görüşdə çıxış edən ADU-nun rektoru Kamal Abdulla ötən il Azərbaycan xalqının sınaqdan keçdiyini, 44 günlük müharibədə qalib gələrək torpaqlarının bütövlüyünü təmin etdiyini və bu mübarizədə bir çox ölkələrin Azərbaycanın ədalət mübarizəsini dəstəklədiyini deyib.

"Bizim mübarizəmizi dəstəkləyən dost, qardaş ölkələrdən biri də Pakistan oldu. Azərbaycan xalqı bu dəstəyi minnətdarlıq hissi ilə qarşıladı. Bu minnətdarlıq hissi Azərbaycan xalqının qəlbindən silinməyəcək", - deyə o bildirib.

Rektor qeyd edib ki mədəniyyət mərkəzinin yaradılmasının əsas məqsədi zəngin mədəni, tarixi irsə sahib olan Pakistan xalqını

Azərbaycanlı gənclər daha yaxşı tanısın, bu ölkəyə olan məhəbbətləri daha da artsın.

K.Abdulla Pakistanın Xarici Dillər Universiteti ilə ADU arasında əlaqələrin qurulması istiqamətində işlərin görüləcəyini də bildirib.

Daha sonra Pakistanın Azərbaycandakı səfiri Bilal Hayee çıxış edib. O deyib ki, bu mədəniyyət mərkəzi Pakistanın gözəl adət-ənənələri, mədəniyyəti, ədəbiyyatı barədə məlumatların çatdırılmasına xidmət edəcək. "Diləyirəm ki, bu mərkəz o qədər inkişaf etsin ki, gələcəkdə fakültə kimi fəaliyyət göstərsin", - səfir əlavə edib.

Pakistan Milli Assambleyaaının spikeri Əsəd Qeysər təhsil sahəsində Azərbaycan və Pakistan arasında əməkdaşlığın daha da dərinləşəcəyinə ümid etdiyini deyib. O qeyd edib ki, Azərbaycanda səfərdə olduğu müddətdə bir sıra görüşlər keçirib və təhsil sahəsində gələcəkdə mübadilə proqramları, diplomların qarşılıqlı tanınması kimi məsələlər də müzakirə olunub.

# 2042 dəfə oxunub

Oxşar xəbərlər

Daha bir aktrisa rol aldığı serialdan qovuldu

Daha bir aktrisa rol aldığı serialdan qovuldu

17:15 3 aprel 2025
Sənət dünyasının sevgi əfsanəsi - Balaca qızları çəkiliş qrupuna kim götürür?

Sənət dünyasının sevgi əfsanəsi - Balaca qızları çəkiliş qrupuna kim götürür?

17:00 3 aprel 2025
Nesrin Cavadzadə də etirazlara qoşuldu

Nesrin Cavadzadə də etirazlara qoşuldu

16:30 3 aprel 2025
Həsən Kür xəstəxanadan evə buraxılıb: yeriyə bilmir, yaddaş pozuntusu var...

Həsən Kür xəstəxanadan evə buraxılıb: yeriyə bilmir, yaddaş pozuntusu var...

16:00 3 aprel 2025
“Zəfər dastanı: Çanaqqaladan Qarabağa” adlı qala-konsert təşkil olunacaq

“Zəfər dastanı: Çanaqqaladan Qarabağa” adlı qala-konsert təşkil olunacaq

15:45 3 aprel 2025
Firəngiz Mütəllimovanın “Varlı qadın”la benefisi

Firəngiz Mütəllimovanın “Varlı qadın”la benefisi

15:00 3 aprel 2025
#
#
# # #