Alimlər 79-cu ildə Vezuvi dağının püskürməsi nəticəsində yanan perqamentdə yazılanları rentgen skanları və süni intellektlə aparılan analizlərdən istifadə edərək oxuyublar.

Kulis.azın məlumatına görə, "Vesuvius Challenge" komandasının üzvü Stiven Parsons tədqiqatla bağlı bunları deyir:

"Perqamentdə yazılanların hamısını oxuya biləcəyimizə əminik".

İlk təhlillərdə perqamentin üzərində yunan hərflərinin aydın göründüyü və mətnin çox güman ki, fəlsəfi məzmun daşıdığı bildirilmişdi. Herkulaneumda aşkar edilmiş yüzlərlə yandırılmış perqament keçmişdə araşdırma zamanı parçalanmışdı.

Bu səbəbdən, Oksford Universitetinə bağlı Bodleian Kitabxanasındakı bəzi perqamentlər illərdir toxunulmaz şəkildə qorunub saxlanılırdı. Ancaq inkişaf edən texnologiya ilə elm adamları yeni üsul tapdılar.

Güclü rentgen şüaları sayəsində perqament heç bir zərər görmədən skan edildi. Daha sonra süni intellektin köməyi ilə mətndə mürəkkəb izləri aşkarlandı.

Alimlər bildiriblər ki, həm papirus, həm də mürəkkəb karbon əsaslı olduğundan onu ayırd etmək son dərəcə çətin olsa da, yeni texnikalarla uğurlu nəticələr əldə edilib.

Perqamentin bütünlüklə oxunması istiqamətində işlərin davam etdiyi və daha uzun mətnlərin tezliklə üzə çıxa biləcəyi bildirilib.

• Qorxulu günlər, yuxusuz gecələr... - Onun haqqında niyə nalayiq məqalə yazılmışdı?
• "Nə qədər vicdansız olmalısan ki..." - Səməd Vurğun nə vaxt yaltaqlıq edib?
• Məşhur yazıçının qalıqları vətəninə aparıldı