Antalyanın Aspendos antik şəhərində aparılan qazıntılar zamanı, təxminən, 1800 illik “Hermes” heykəli aşkar edilib.
Kulis.az xəbər verir ki, Mədəniyyət və Turizm Nazirliyinin “Gələcək üçün irs" layihəsi çərçivəsində həyata keçirilən işlər zamanı aşkar edilən heykəl böyük marağa səbəb olub.
Heykəl üslub xüsusiyyətlərinə görə Roma İmperatorluğu dövrünə (eramızdan əvvəl II əsrin sonu - eramızın III əsrinin əvvəlləri) aid edilir.
Ellin mifologiyasında yolların, ticarətin, qonaqpərvərliyin, diplomatiyanın və astronomiyanın tanrısı kimi tanınan Hermes oğru və tacirlərin, sürülərin və çobanların qoruyucusu kimi də təsvir edilir.
Heykəlin sol ayağının yanında başı Hermes tərəfə çevrilmiş qoç fiquru var. "Hermes" heykəlinin tapıldığı ərazidə eşq və gözəllik ilahəsi Afroditaya və eşq tanrısı Erosa aid olduğu düşünülən başlar da çıxarılıb. Heykəllərin bölgəyə xas bədii üslubda işləndiyi və dövrün estetik anlayışını əks etdirdiyi müşahidə edilib.
Qeyd edək ki, 2024-cü ildə “Gələcək üçün irs” layihəsi çərçivəsində aparılan qazıntılar zamanı eyni bölgədən ov, canlılar, heyvanlar, təbiət ilahəsi Artemida və ədalət, tarazlıq, tale və intiqam simvolu olan Nemesisə aid olduğu düşünülən bədən hissələri də çıxarımışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər