Sosial şəbəkələrə

Media

Ana səhifə
Media

Sosial şəbəkələrə - QADAĞA!

7 iyun 2011

12:25

Fransa televiziyalarında “Facebook”, “Twitter” demək qadağan olundu.

Fransa televiziyalarında xəbər proqramları aparıcılarına “Facebook” və “Twitter” sosial şəbəkələrinin adını çəkmək qadağan olunub.

Kulis.az “Daily Mail”ə istinadən xəbər verir ki, 1991-ci ildə qəbul olunan qanunlara görə, brend sayılan adların televiziyada çəkilməsi reklam xarakteri daşıyır. Bu da internet saytlarla şəbəkələr arasında rəqabəti qeyri-bərabər sürətdə artırır.

Xəbər əgər şəbəkənin fəaliyyəti ilə bağlıdırsa və şəbəkə xəbər mənbəyidirsə, onların adı çəkilə bilər.

2008-ci ildə Facebook sosial şəbəkəsinin fransız dilli versiyası çıxıb. Fransız istifadəçilərin sayı isə 1,4 milyondur. Dünya üzrə bu şəbəkənin istifadəçilərinin sayı 687 milyondur.

Twitter mikrobloqunun istifadəçilərinin sayı isə 200 milyondur. Bir ay ərzində mikrobloqda 110 milyona yaxın tvit qeydə alınır.

Günel ƏSGƏRZADƏ