Misirdə 17 piramida tapılıb

Media

Ana səhifə
Media

Misirdə 17 piramida tapılıb

27 may 2011

08:20

Misirdə yeni peyk görüntüləri sayəsində 17 piramida tapılıb. Görüntülər təkcə piramidaların deyil, minə yaxın məzar, üç minə qədər tarixi məbədin yerini təsbit etməkdə kömk olub.

Kulis.az-ın məlumatına görə 700 kilometr uzaqlıqdan çəkilmiş görüntülər Amerikanın Alabama ştatındakı bir laboratoriyada araşdırılıb. Araşdırmaları aparan Sara Parsak: “Bir piramida aşkarlamaq hər arxeoloqun xəyalıdır”, - deyə bildirib.

Arxeoloq Parsak infraqırmızı şüalarla təsbit olunan köhnə evlərin tapılma səbəbini də izah edib: “Misirlilər evləri palçıq kərpicdən tikirmişlər. Bu kərpiclər torpaqdan daha bərk olduğundan ev, məzar və məbədlərin yeri şəkillərdə seçilir”.

Parsak Misirdə tədqiqatlar vaxtı bəzi rəsmilərin ona inanmadığını da vurğulayıb. Ancaq üç min illik bir ev aşkarladıqdan sonra rəsmilər arxeoloqa tədqiqatlara davam etməyə icazə verib.

Misir arxeoloqları isə peyk görüntüləri sayəsində Nil boyu salınan çoxlu yaşayış məskənləri, inqilab vaxtı itmiş əşyaları, məzar və məbədləri daha rahat aşkarlaya biləcəklərini deyiblər.

Günel ƏSGƏRZADƏ