Almaniya Facebookun “Like”sini qadağan etdi

Media

Ana səhifə
Media

Almaniya Facebookun “Like”sini qadağan etdi

22 avqust 2011

17:30

Almaniya Facebookla bağlı qərarını açıqladı: “Like”lara yox!
Alman hökumətinin Telekommunikasiya üzrə rəsmisi Thilo Weichert Facebookun “Like” düyməsinin yaxın günlərdə rəsmi dövlət saytlarından yığışdıracağını deyib.

O deyib ki, Facebookun “Bəyən” düyməsi sosial şəbəkələrdə insanlar haqda şəxsi məlumatları rahatlıqla almağa kömək etdiyindən qadağan olunub.

Facebookun mətbuat xidmətindən isə hadisəyə sərt münasibət gəlib: "Bu ifadələr tamamilə yalnışdır. Bizim istifadəçilərimizin məlumatlarını toplamaq kimi bir niyyətimiz yoxdu. “Bəyən” düyməsini basanda qeydə alınan tək məlumat istifadəçinin IP adresidir. Və bu İP adreslər üç ay ərzində məlumat bazamızdan silinir”.

Bir çox ölkə, kompaniya və şirkətlərin işçilərinə qadağa qoyduğu Facebook İngiltərədəki hadisələrdən sonra gündəmdən düşmür. İngiltərədə bağlanacağı iddiaları səsləndirilən ən popular sosial şəbəkəyə giriş Suriya, İran, Vyetnam, Çin, Pakistan, Özbəkistanda qadağandır.

Günel ƏSGƏRZADƏ