Ən gözəl ailə Nyu Yorka gedəcək

Media

Ana səhifə
Media

Ən gözəl ailə Nyu Yorka gedəcək

19 avqust 2011

12:19

Ailə fotosunu çəkib http://family.hotpoint.eu adresinə yükləyənlər arasından ediləcək seçimlərdə bir ailə Nyu-Yorka tətil qazanacaq.

Oktyabrın 15-də bitəcək müsabiqədə qalib ailənin bir fotosunu da Stiv Makkari çəkəcək.

Yarışmanın birinci mərhələsində sayta yüklənən şəkillər arasından ən çox səs qazanan 100 foto seçiləcək.

Bu fotolar arasından da müsabiqənin münsiflər heyəti hər ölkədən 10 fotonu finala çıxaracaq. Ən son mərhələdə isə Stiv Makkari ən yaxşı və təbii ailə şəklini seçəcək.

Qalib olan ailə dekabrın 27-dən 31-ə qədər Nyu-Yorkda tətil edəcək.

Məşhur fotoqraf Stiv Makkari 1984-cü ildə bir qaçqın düşərgəsində çəkdiyi əfqan qızının portreti ilə məşhurlaşıb. Şarbat Gula adlı qızın fotosu 1985-ci ildə “National Geographic” dərgisinin üz qabığında çıxıb. Bunda sonra dünyanın ən məşhur fotolarının sırasında yer alıb.

Günel ƏSGƏRZADƏ