İspaniyada artıq Holokostu inkar etmək olar

Media

Ana səhifə
Media

İspaniyada artıq Holokostu inkar etmək olar

14 iyul 2011

12:29

İspaniyanın Ali Məhkəməsi Holokostu inkar edən ideyaların yayılmasına icazə verib.

Kulis.az-ın mignews.com saytına istinadən verdiyi xəbərə görə, İspaniyada artıq Holokostu inkar etmək cinayət sayılmayacaq.

Bir neçə il davam edən məhkəmədə hakimlər kollegiyası vəkillərin – İkinci Dünya müharibəsi zamanı nasistlərin 6 milyon yəhudinin qətli barədə arqumentlərini nəzərə almayıb.

İspan hakimləri açıqlamalarında bildiriblər ki, nə bir şəxsin, nə də bir qrupun başqalarının öz fikrini azad ifadə etməsinə görə inciməyə haqqı yoxdur.

Bu qərardan sonra İspaniyada “Almanların yəhudiləri yandırması üçün əsasları vardı”, “Almanlar heç zaman yəhudləri yandırmayıblar”, “Zəncilər insanlığın ən aşağı mədəni və sosial pilləsində dayanır” kimi fikirlər cinayət sayılmır.

Prosesin baş hakimi Adolf Prego de Olivero Tolivar bildirib ki, “bu müddəlar xoşagəlməzdir, amma müasir konstitusiya dövlətində buna görə insanları cəzalandımaq olmaz”.

Rəna NEVZAT