Fransa Kinematoqraf İncəsənəti və Texnologiyaları Akademiyası 45-ci “Sezar” mükafatının qaliblərini mükafatlandırıb.

Kulis.az-ın xarici mediaya istinadən verdiyi xəbərə görə, Parisdə təşkil edilən mərasimdə fransız rejissor Ledi Linin “Les Miserables” Ən yaxşı film və Ən yaxşı montaj mükafatlarına layiq görülüb.

Təcavüzdə ittiham edilən rejissor Roman Polanski “Jaccuse” filmiylə Ən yaxşı rejissor mükafatını qazanıb. Həmçinin bu filmə Ən yaxşı ssenari mükafatı da verilib. Polanski mükafatını almaq üçün səhnəyə çıxdığında bir çox sənətçi və qonaqlar mərasimi tərk edərək etirazlarını göstəriblər.

Ən yaxşı kişi aktyoru mükafatını isə “Roubaix, une lumiere d'Arnaud Desplechin” filminde göstərdiyi performansa görə Rosdi Zemə verilib. Anais Demoustier də “Alice et le Maire” filmində oyandığı rola görə Ən yaxşı qadın aktirsa mükafatını qazanıb.

Nicolas Bedosun “La Belle epoque” filmi isə Ən yaxşı ssenari müfakatına layiq görülüb.

Ən yaxşı xarici film mükafatı isə Cənubi Koreyalı rejissor Bong Joon-Honun “Parasite” filminə verilib.

Qeyd edək ki, Fransa Kinematoqraf İncəsənəti və Texnologiyaları Akademiyası 1974-cü ildə təsis edilib. Fransız kinematoqrafı sahəsində nailiyyətlərə görə ilk mükafatlandırma mərasimi 1976-cı il aprelin 3-də baş tutub. Akademiyanın təsis etdiyi mükafat dünya şöhrətli heykəltəraş Sezar Baldaççinin adını daşıyır.

• Keyt Blanşet: "Sıravi qadınların səsi niyə susdurulur?"
• Bir şairi öldürdülər - Eldar Baxış
• "Peaky Blinders" geri qayıdır: Tommi Şelbinin oğlunu o canlandıracaq