“Qızıl qlobus”un qalibləri məlum olub - Fotolar

“Qızıl qlobus”un qalibləri məlum olub - Fotolar
6 yanvar 2020
# 10:14

2019-cu il “Qızıl qlobus” mükafatı öz sahiblərini tapıb.

Kulis.az-ın verdiyi xəbərə görə, Los-Ancelesin “Beverly Hilton” otelində 77-ci “Qızıl Qlobus” mükafatlandırma mərasimi baş tutub.

“Ən yaxşı dramatik film” üzrə bu mükafatı “1917” filmi qazanıb. Filmin rejissoru Sem Mendes "Ən yaxşı rejissor" olmağı da bacarıb.

Tarantinonun “Bir dəfə Holivudda” filmi həm “Ən yaxşı ssenari”, həm də “Ən yaxşı komediya” filmi olub.

“Cudi” filmində sərgilədiyi performansa görə Rene Zellveqer “Ən yaxşı qadın aktrisa” seçilib. “Coker” filminin baş rol ifaçısı Hoakin Feniks “Ən yaxşı kişi rolu”na layiq görülüb.

Komediya janrında çəkilən “The Farewell” filmindəki rolu ilə “Ən yaxşı qadın rolu”nda mükafat qazanan Akvafina, “Qızıl qlobus” tarixində bu mükafatı qazanan ilk Asyalı olub. Komediya janrında çəkilmiş ən yaxşı aktyor mükafatını Teron Edjerton – “Roketmen” qazanıb.

İlin Dram Janrında Ən yaxşı serialı “Succession” olub. “Fleabag” və “Çernobıl” digər mükafat qazanan seriallar olub.

Cənubi Koreya istehsalı “Parasite” “Xarici dildə çəkilmiş ən yaxşı” film seçilib.

Digər nominasiyalarda mükafat qazananları təqdim edirik.

Ən yaxşı animasiya – “İtirilmiş bağlantı” (“Missing Link”)

İkinci planda ən yaxşı aktyor – Bred Pitt ( “Bir dəfə... Hollivudda”)

İkinci planda ən yaxşı aktrisa – Lora Dern (“Nikah hekayəsi”)

Ən yaxşı mahnı - I'm Gonna Love Me Again (“Roketmen”)

Ən yaxşı film musiqisi – Hildur Qudnadottir ( “Coker”)

Dramatik serialda ən yaxşı aktrisa – Oliviya Kolman (“Tac”)

Dramatik serialda ən yaxşı aktyor – Brayan Koks (“Vərəsələr”)

Komediya janrında çəkilmiş ən yaxşı teleserial – “Zibil” (“Fleabag”)

Komediya janrında ən yaxşı teleserial aktyoru – Rami Yussef (“Rami”)

Komediya janrında ən yaxşı teleserial aktrisası – Fibi Uoller-Bric (“Zibil”)

Ən yaxşı mini-serial aktyoru – Rassel Krou (“Ən güclü səs”)

Ən yaxşı mini-serial aktrisası – Mişel Uilyams (“Fossi/Verdon”)

İkinci planda ən yaxşı mini-serial aktyoru – Stellan Skarsqard ( “Çernobıl”)

İkinci planda ən yaxşı mini-serial aktrisası – Patrisiya Arkett (“İddia”- “The Act”)

Fəxri “Qızıl Qlobus” – Tom Henks

Qeyd edək ki, “Qızıl qlobus” illik mükafatı 1944-cü ildən Beynəlxalq Mətbuat Assosiasiyası tərəfindən təqdim olunur. Beynəlxalq Mətbuat Assosiasiyasına Hollivudda işləyən 90 beynəlxalq jurnalist daxildir. “Qızıl qlobus” əhəmiyyətinə görə “Oskar”dan sonra ikinci böyük mükafat sayılır.

# 2693 dəfə oxunub

Oxşar xəbərlər

Ulucay Akif yazı müsabiqəsində qalib oldu

Ulucay Akif yazı müsabiqəsində qalib oldu

13:15 12 iyul 2024
"Eurovision-2025" keçirilməyə bilər - İsveçrə müsabiqədən imtina edir

"Eurovision-2025" keçirilməyə bilər - İsveçrə müsabiqədən imtina edir

11:16 12 iyul 2024
Çiyələk - Günün lətifəsi

Çiyələk - Günün lətifəsi

09:00 12 iyul 2024
Sevil Festivalı çərçivəsində "Hələlik, Tiberiya" filmi nümayiş edildi

Sevil Festivalı çərçivəsində "Hələlik, Tiberiya" filmi nümayiş edildi

18:36 11 iyul 2024
"Erməni komendant bu mahnıya görə atamı yataqxanadan qovmuşdu" - Güldəstə Nəsibova

"Erməni komendant bu mahnıya görə atamı yataqxanadan qovmuşdu" - Güldəstə Nəsibova

14:30 11 iyul 2024
Yazıçılar prestijli mükafatlandırma mərasimini boykot etdilər

Yazıçılar prestijli mükafatlandırma mərasimini boykot etdilər

14:00 11 iyul 2024
# # #