“Biz Kann festivalına ermənilərdən əvvəl getmişik” - Nazirlikdən açıqlama

“Biz Kann festivalına ermənilərdən əvvəl getmişik” - Nazirlikdən açıqlama
2 iyul 2020
# 11:15

“Biz Qarabağ mövzusunda filmləri ermənilərdən qabaq festivallara çıxarmışıq. Dünyanın üç böyük film festivalı - Kann, Venesiya və Berlinə biz ermənilərdən qabaq gedib çıxmışıq.”

“Altı il bundan əvvəl Qarabağ mövzusunda çəkilən “Nabat” filmi Venetsiya Film Festivalının əsas müsabiqə proqramlarından biri olan Horizontal proqramına seçilib, iştirak edib və orada nümayiş olunub.”

Bu sözləri Mədəniyyət Nazirliyinin kinematoqrafiya şöbəsinin aparıcı məsləhətçisi Elşad Əliyev erməni rejissorun Qarabağla bağlı çəkdiyi filmin Kann festivalında iştirakı ilə bağlı yaranan narahatlığa münasibət bildirərkən söyləyib. O daha sonra əlavə edib:

“Sonuncu” qısametrajlı filmimiz 128 ölkədən təqdim olunmuş 1350 filmin içərisindən 9 filmdən biri kimi seçilib Kann Film Festivalının əsas proqramında yarışıb.

“Nabat” filmi dünyanın demək olar ki, bütün qitələrini əhatə edən 30-a yaxın festivalda əsas müsabiqələrdə iştirak edib və on beş mükafat alıb. “Üçüncü günün adamı” bir neçə festifalda iştirak edib və Kanadada keçirilən A kateqoriyalı Qahirə festivalında və başqa festivallarda iştirak edib.

“Axşama doğru” filmi Kann film festivalının Tənqid hədəfi adlı müsabiqə proqramında iştirak edir. Gələcəkdə də təbii ki, Azərbaycan filmləri festivallarda iştirak edəcək. Qarabağ mövzusunda filmlər çəkiləcək. Mətbuatda ittihamlar irəli sürülür. Amma reallıq bundan ibarətdir ki, Azərbaycan filmləri kino tariximizə nəzər salanda qeyd etdiyim vaxt ərzində heç vaxt bu qədər nüfuzlu festivallarda iştirak etməyib, mükafat almayıb.”

# 2404 dəfə oxunub

Oxşar xəbərlər

Kann Film Festivalının münsiflər heyəti açıqlanıb

Kann Film Festivalının münsiflər heyəti açıqlanıb

12:10 29 aprel 2025
"Peaky Blinders" serialı ekranlara qayıdır

"Peaky Blinders" serialı ekranlara qayıdır

11:45 29 aprel 2025
Bu gün Beynəlxalq Rəqs Günüdür

Bu gün Beynəlxalq Rəqs Günüdür

11:00 29 aprel 2025
Pezeşkianın Azərbaycan dilində şeir deməyinə niyə sevinirik? – Ulucay Akif

Pezeşkianın Azərbaycan dilində şeir deməyinə niyə sevinirik? – Ulucay Akif

10:50 29 aprel 2025
Məşhur transseksual rəqqasə vəfat etdi

Məşhur transseksual rəqqasə vəfat etdi

10:20 29 aprel 2025
Baba Vəziroğlu "Ulduz"lu görüşlər"də

Baba Vəziroğlu "Ulduz"lu görüşlər"də

09:35 29 aprel 2025
# # #