“Eksmo nəşriyyatı” yazıçı Viktor Pelevinin yeni "Mavi saqqalın qayıdışı" romanını adətən olduğu kimi payızda deyil, bu dəfə yaz aylarında təqdim edəcək.
“Gazeta.ru”nun verdiyi xəbərə görə, yeni əsərin süjeti “Transhumanism Inc.” silsiləsi ilə əlaqəli deyil və mərkəzdə amerikalı maliyyəçi Cefri Epşteynlə bağlı qalmaqallı iş dayanır.
Müəllif əsərdə onun “Sirli Ada”sının qaranlıq tərəflərini açmağa çalışır.
Romanın satışına 23 apreldən kitab mağazalarında və onlayn platformalarda başlanılacaq.
Qeyd edək ki, kitab audio və elektron formatda təqdim olunacaq.
