Tramvaya minən
köhnə tanış musiqiçinin
köhnə şərqiləri
sərnişinləri dəyişərkən
mən, dünyanın təkrar olduğuna
bir daha əmin olurdum.
Səni bir başqa dünyada
sevdiyimi anladım.
Bir yeni dünyada
sevəcəyimi anladım.
Sükutun üzümə çəkdiyi sığal
sənin busələrinlə əvəzlənə kaş .
Mənə hicran məhbəsi bəs edər yəqin,
bir az da hicr özü qəfəslənə kaş.
Mənsiz davam eyləyin ...
Bilirəm, bu dünya gözəllərin gözəli
min bir neməti ilə zinəti ilə.
Bürünün var dövlət palazlarına,
sürünün sürünən külfəti ilə!
Mənim sürünməyə yoxdur niyyətim
istəyir palazlar qızıldan olsun.
Allahım, sürünmək istəmirəm mən!
Deyir: ”kim sürünmək istəmir, buyursun ölsün!”
Siyasət insanı avara qoyub.
İnsan insanlığı kənara qoyub.
Mən nədən yaşayım gözəl dünyada?!
Nəfs bu dünyanı qumara qoyub!
Onsuz da qumar adətim deyil.
Elə bil aranızda olmamışam mən.
Məni görməyin, fikir verməyin,
mənsiz davam eyləyin ...
Yaşayın!
Qazanın,
danışın,
gülün.....
Hər sabah doğulun,
hər axşam ölün!
16.02.2012
İtaliya, Milan
***
Gözüm üfüqlərə sığal çəkəndə,
məni qısqanmanı,
üfüqlərə, soyuğa, pəncərəyə
üsyan etməni istəyirəm.
bir otaq təbiətə
vücudunu göstərməni istəyirəm.
İstəklər və sən...
aranızda müqəssirəm.
Pəncərədən izn alaraq,
soyuqla muhattap olmadan,
yatmışları oyatmaq,
oyaqlara nəğmə demək istəyirəm.
"Allah!"-deyə bağırmaq istəyirəm.
05.02.2013
İtaliya, Milan
***
Buranın dənizi yol ayrımında ...
Afina sahillərini döymək istəmir!
Bu gün dalğaları könülsüz gördüm.
İstədim səbəbi yazıb, göndərim.
Sözümlə rəsm edim, sana göstərim.
Sən yoxsan!
Dalğalar necə olmalı?
Önündə çırpınacaq abidəsi yox!
Mən də onlar gibi sakitəm bu gün ...
Önündə çırpınmağa abidəm yoxdur!
Mən bu səbəbdən içirəm yenə ...
Bu günü bitirməyə çalışıram ki,
Səninlə başlayım bir yeni günə!
Bu boz ləpələr mənimlə bahəm
başqa sahillərə can atır nədən?!
Gərçi sən olan yerə dəniz yetişmir
eşqi pünhan saxlayır, nədən gəlişmir?!
Anlayır halımı, görür ki, yalnız
mənim hünərimdir sevda, məhəbbət!
Sevişmək istərsə ruhum, bədənim
Bu dağlar, təpələr əngəl olamaz!
Dəryanın üstündən keçib gələrəm,
Bu sakin ləpələr əngəl olamaz!
Sən, gözəllik abidəsi,
memarın tanrı!
Həsədə mirvarisən,
budur nədənim!
Üzünə, gözünə sığal çəkərək,
Çırpınmaq istəyər
üryan bədənim!
21.05.2012, Yunanıstan, Afina
