Əksiyimizlə sevək bir-birimizi...

Fatimə İbrahimova

Gedərkən yolları sənlə dinmədik
Deyəsən, məkana çata bilmədik
Hərdən düşünərdik: “bəlkə sevmədik?”
Qoymazdıq əzilsin sevginin dizi
Bəlkə əksiyimizlə sevək bir-birimizi ?...

Hərdən əsəbi, ya da qəmli olurduq,
Hirsli-hirsli sevən qəlbi qırırdıq
Acı sözlərdən uzun cümlə qururduq
Gizlətməyi bacarmadıq əsəbimizi
Bəlkə əksiyimizlə sevək bir-birimizi?...

Ayrılıb getmisən, çox kədərliyəm
Axır göz yaşlarım, mən də silirəm...
Adam da yox ki, deyim: “sevirəm”
Kədərə çevirdin sevincimizi
Kaş əksiyimizlə sevərdik bir-birimizi...

Mənim gözlərimdə yoxdur qüsurun
Sənlə gedir hara getsən qürurum
Bərbad olub sən gedəndən hüzurum
Kaş qüsurdan saymazdıq eyiblərimizi
Bəlkə əksiyimizlə sevək bir-birimizi ?...

Sənlə gedən yerlərə, indi gedə bilmirəm
Ölmək istəməsəm də, sənsiz qala bilmirəm
Sən getdiyindən bir də sevə bilmirəm
Qorumağı bacarmadıq ilk eşqimizi,
Kaş hər şeyimizlə sevərdik bir-birimizi...

Hər gün sevginə oxuyuram lənət
Sözlərimi deməyə yoxdur cəsarət
Həyatımız başdan-başa səhvdən ibarət,
Gəlsəydin, silərdim səhvlərimizi
Bəlkə, əksiyimizlə sevək bir-birimizi ?...

Getdiyimiz yollarda sənlə dinmədik
Biz sənlə məkana çata bilmədik
Mən heç anlamıram, sənlə neylədik?
Yaman çırpıldı yerə sevginin dizi
Biz deyəsən sevmədik bir-birimizi...

• Zəlimxan Yaqubun şeirləri haqqında tam fərqli yazılar yazılmalıdır - Cavanşir Yusifli
• Gəncə Dövlət Universitetində Qəşəm Nəcəfzadə ilə görüş keçirildi
• Oğuz Ayvazın yeni romanı işıq üzü gördü