Nə gözəl əsir insanlar...

Nə gözəl əsir insanlar...
19 iyul 2017
# 11:44

Furqan

tərs şeir

bura zibil atmayın

yazılan yerə atılır

məhəllənin bütün zibilləri...

siqaret çəkmək qadağandır

yazıldığına görə

siqaret qutusunu

yan-yörəsinə baxıb

çıxarır cibindən

yaşlı dayı...

əlillərə, qocalara,

uşaqlı qadınlara yer verin

söyləməsinə baxmayaraq

metrodakı qadın səsinin,

qucağındakı körpəylə

yıxılmamağa çalışır

bir ana...

və mən də həmin vaqonda

qapılara söykənib

yazıram bu şeiri...

acı

1.

meşələrə acıyıram:

hər ağac odun ola bilər -

yəni satıb pula çevirmək üçün...

hər ağac kağız ola bilər -

yəni yazıb pula çevirmək üçün...

hər ağac tabut ola bilər -

yəni ölüb pula çevirmək üçün...

2.

döyüşçülərə acıyıram:

üzük taxmaq varkən,

avtomat tətiyi olan dairəni

şəhadət barmağında

üzük etmək də nə imiş?!

heyrət

küləyi heyrət bürüyüb:

nə gözəl əsir insanlar?

çat

bir damcı yağış istəyiylə

çatlaq-çatlaqdı torpaq...

geriyə dönüş istəyiylə,

döyüş istəyiylə

çatlaq-çatlaqdı Qarabağ...

bir ömür sülh istəyiylə

bütövdü, tamdı uşaqların gülüşü...

və adamların

nifrət-nifrət ürəklərində

çatlaq-çatlaqdı sülh...

# 1205 dəfə oxunub

Oxşar xəbərlər

Beş - Rasim Əlizadənin hekayəsi

Beş - Rasim Əlizadənin hekayəsi

17:40 18 iyul 2024
Neytral haldan yaranan insanlığın xülyası - Məhəmməd Kərimov

Neytral haldan yaranan insanlığın xülyası - Məhəmməd Kərimov

14:30 14 iyun 2024
Səkilərdə toqquşur baş-ayaq küt baxışlar - Xosrov Natil

Səkilərdə toqquşur baş-ayaq küt baxışlar - Xosrov Natil

11:30 23 may 2024
Məlikməmmədin nağılı - Aliyə Qədirovanın hekayəsi

Məlikməmmədin nağılı - Aliyə Qədirovanın hekayəsi

16:32 22 may 2024
Aş qonaqlığı - Xaliq Rəhimlinin hekayəsi

Aş qonaqlığı - Xaliq Rəhimlinin hekayəsi

12:00 21 may 2024
Azərbaycanda ilk qadın jurnalı - "İşıq"

Azərbaycanda ilk qadın jurnalı - "İşıq"

16:30 17 may 2024
# # #