Bir ağrı var kürəyimdə

Bir ağrı var kürəyimdə
13 mart 2017
# 12:32

Qatar

Leyla Əsədullayeva

Qatar gedir.

Bir də, geri dönməyəcək.

Aparacaq dəqiqələri,

Saatları.

Tamam olan günlərimiz,

Bu qatarda dincələcək.

Özü ilə uşaqlığı,

Uşaqlığın kölgəsində,

Rahatlığı aparacaq.

Təravətli gənclik ilə,

Çılğınlığı aparacaq.

Hava təmiz, bulud da ağ.

Hərdən-birdən uğultusu

Eşidilir küləyin də.

Bir ağrı var kürəyimdə:

Elə bil ki, kürəyimə,

İti bıçaq, batır-çıxır.

Dostların xəyanəti

Duz-çörəyə, batır-çıxır...

Gedəcəklər bu qatarla.

Bəlkə yanaşı düşdülər?

Vaxtsız cırılmış fatamla...

Qatar gedir:

Vaqonuyla,

Təkəriylə.

Maşinist

Və köməkçiylə.

Bir saat, alovda yanır,

Yarım saat, çayda üzür.

Küllərini tökür çıxır.

Göydə uçur.

Buludların ağlığını,

Ulduzun parlaqlığını,

Alıb düşür,

Göy üzündən ,

Yer üzünə.

Yaşı keçmiş çinarın da,

Ayaqları yer üzündə,

Arzuları göy üzündə

Dövrə vurur.

Arzularım sığışmayır

Bu qatara.

Dərin ah çəkib arada,

Keçmişimə, şillə vurur.

Cavanlığın nahaqqını,

Qocalığın haqqı udub.

Fit səsiylə, zaman durur.

O son dəfə dövrə vurur.

Salamat qal .

Fani dünya.

Salam ay,

Əbədi dünya.

Qatar getdi:

Vaqonuyla,

Təkəriylə.

Maşinist

Və köməkçiylə...

# 1093 dəfə oxunub

Oxşar xəbərlər

Beş - Rasim Əlizadənin hekayəsi

Beş - Rasim Əlizadənin hekayəsi

17:40 18 iyul 2024
Neytral haldan yaranan insanlığın xülyası - Məhəmməd Kərimov

Neytral haldan yaranan insanlığın xülyası - Məhəmməd Kərimov

14:30 14 iyun 2024
Səkilərdə toqquşur baş-ayaq küt baxışlar - Xosrov Natil

Səkilərdə toqquşur baş-ayaq küt baxışlar - Xosrov Natil

11:30 23 may 2024
Məlikməmmədin nağılı - Aliyə Qədirovanın hekayəsi

Məlikməmmədin nağılı - Aliyə Qədirovanın hekayəsi

16:32 22 may 2024
Aş qonaqlığı - Xaliq Rəhimlinin hekayəsi

Aş qonaqlığı - Xaliq Rəhimlinin hekayəsi

12:00 21 may 2024
Azərbaycanda ilk qadın jurnalı - "İşıq"

Azərbaycanda ilk qadın jurnalı - "İşıq"

16:30 17 may 2024
# # #