Teatr Xalq artistini və rejissoru məhkəməyə verir

Kino

Ana səhifə
Kino

Teatr Xalq artistini və rejissoru məhkəməyə verir - QALMAQAL

Teatr Xalq artistini və rejissoru məhkəməyə verir - <span style="color:red;">QALMAQAL

18 yanvar 2017

13:22

Müstəqil ADO teatrı Akademik Milli Dram Teatrının aktyoru, xalq artisti Ramiz Məliki və həmin teatrın rejissoru Əlif Cahangiri məhkəməyə verir.

Bu barədə Kulis.Aza ADO teatrının meneceri Kamal Aken məlumat verib.

Onun sözlərinə görə, məsələ ilə bağlı hətta Daxili İşlər Nazirliyinə (DİN) də müraciət olunub: “Bu məsələdə teatrı hüquqşünas Samirə Ağayeva təmsil edir. Vəkil ADO teatrının rəhbəri və əməkdaşlarına qarşı Akademik Teatrın rejissoru Əlif Cahangirlinin təhdidləri ilə bağlı DİN-ə müraciət ünvanlayıb. Ümid edirik ki, yaxın günlərdə müraciət araşdırılacaq”.

Teatrdan bildirilir ki, artıq məhkəmə sənədlərinin də hazırlanması yekunlaşıb: “Akademik teatrın aktyoru Ramiz Məlik və teatrın rejissoru Əlif Cahangir Facebook sosial şəbəkəsində ADO teatrının və teatrın rəhbərinin ünvanına təhqiramiz fikirlər səsləndirib. Daha sonra Əlif Cahangirli media vasitəsilə yazı yazaraq təhqirlərini davam etdirib. Vəkil hesab edir ki, bütün bunlar teatrın imicinə, onun rəhbərinin işgüzar nüfuzuna xələl gətirir, bütün bu təhqirlər şərəf və ləyaqətin alçaldılmasına yönəlib. Məhkəmə iddiasında “üzr istəmək” tələbi ilə yanaşı dəymiş mənəvi ziyana görə 300 min manat təzminat tələbi də irəli sürülüb. Baş vermiş məsələdə aktyorların heysiyyatına toxunulub və mülki qaydada qaldırılmış işdə qanun çərçivəsində cəzanın kəsilməsinə nail olacağımıza inanırıq. Toplanmış faktlar da iddia ərizəsinə əlavə olunub. Biz hesab edirik ki, bütün bu məsələlərin arxasında Akademik Milli Dram Teatrının rəhbəri Azərpaşa Nemətov dayanır”.