Mədəniyyət Nazirliyi tərəfindən keçirilən bədii, sənədli və animasiya filmi ssenariləri müsabiqəsinin nəticələri bəlli olub.

Kulis.azın Nazirliyin saytına istinadən verdiyi xəbərə görə, mart ayının 20-dən may ayının 1-dək Mədəniyyət Nazirliyi tərəfindən bədii, sənədli və animasiya filmi ssenariləri müsabiqəsində qaliblər aşağıdakı kimi sıralanıb:

Tammetrajlı bədii

- “Məryəm” – ssenari müəllifi Elçin Musaoğlu, Fərdad Rastqar

- “Yuxusuz kölgələr” – Mirbala Səlimli, Marina Malaşenkova

- “Nərgiz” – Cavid Zaidov

- “Ərəblinski” – Elçin Əfəndiyev, İsmayıl İman

- “Mampası qutusu” – Pərviz Həsənov

- “Üçüncü bənd” – Ramiz Fətəliyev

- “Xoşbəxt sonluqlu faciə” – Arif Əliyev

- “Biçimçi” – Rəmziyyə Cilqamlı

- “Kariatidalar” – Tahir Əlizadə

Qısametrajlı bədii

- “Dulusçu” – Amil Məmiyev

- “Əli həccə gedir” – Cavid Zeynallı

- “Bazar günü” – Ülviyyə Heydərova

- “Gecənin səsi” – Reyhan İsayeva

- “Ailəvi şəkil” – Nurlan Həsənli

Sənədli

- “Ləzgilər” – Qorxmaz Şixəliyev

- “Qapı” – Etibar Məmmədov

Animasiya

- “Tıq-tıq və dostları möcüzələr axtarışında” – Sultan Abbasbəyli

- “Göy qurşağını görmək” – Rəmziyyə Cilqamlı

Dövlət sifarişi ilə film istehsalı üçün ssenari ehtiyatının formalaşdırılması məqsədilə seçilmiş sözügedən ssenarilərə istehsal imkanlarından asılı olaraq filmlər çəkilməsi nəzərdə tutulub.

Müsabiqənin münsiflər heyətində Azərbaycan Respublikası Kinematoqrafçılar İttifaqının birinci katibi Cəmil Quliyev (sədr), kinodramaturq Ramiz Fətəliyev (üzv), “Azərbaycan” jurnalının baş redaktoru İntiqam Qasımzadə (üzv, səhhəti ilə bağlı seçimlərdə iştirak edə bilməmişdir), kinorejissor və kinoşünas Ayaz Salayev (üzv), Dövlət Film Fondunun baş mütəxəssisi Yusif Şeyxov (üzv), kinorejissor Rüfət Həsənov (üzv), Azərbaycan Yazıçılar Birliyinin Gənclər Şurasının sədri Elşad Əliyev (üzv) və Dövlət Film Fondunun baş mütəxəssisi Leyla Vəzirzadə (məsul katib) təmsil olunub.

Qeyd edək ki, dövlət sifarişi ilə film istehsalı üçün Mədəniyyət Nazirliyi tərəfindən gələcəkdə də davamlı olaraq ssenari müsabiqələrinin keçirilməsi nəzərdə tutulmuşdur.

• Montrödə “Rast”, yaddaşımda Şuşa, bir də "Təbrizin küçələri dolanbadolan" - TƏƏSSÜRAT
• Qiyamət ideyasını qlobal problemlərlə göstərən sərgi açıldı
• Tanınmış müğənni tənqid olundu – Səbəb