Kineşma Şəhər Adminstrasiyasından Azərbaycan Dövlət Gənc Tamaşaçılar Teatrının rəhbərliyinə təşəkkür məktubu ünvanlanıb.

Teatrın mətbuat xidmətinin Kulis.Aza verdiyi məlumata görə, məktub teatrın yaradıcı heyətinin Rusiya Federasiyası İvanov vilayətinin Kineşma şəhərində keçirilmiş “Hərarətli ürək” (“Горячее сердце”) klassik Rus dramaturgiyası III Beynəlxalq Teatr Festivalında uğurlu iştirakı münasibətilə Kineşma Şəhər Adminstrasiyası tərəfindən göndərilib.

Məktubda deyilir: “Hörmətli Mübariz Şəfayət oğlu! Kineşma Şəhər Adminstrasiyası Sizə və rəhbərlik etdiyiniz truppaya “Hərarətli ürək” (“Горячее сердце”) klassik Rus dramaturgiyası III Beynəlxalq Teatr Festivalında iştiraka görə ürəkdən təşəkkür edir.

Teatr – müxtəlif yaş kateqoriyasından olan ən müxtəlif insanları laqeyd yanaşmağa qoymayan heyrətamiz incəsənət növüdür. Onun məqsədi nəsillərin tərbiyəçisi olmaqdır. Elə buna görə də sənə adamının məsuliyyəti xalq, onun bu günü və gələcəyi üçün çox önəmlidir. Xüsusilə Azərbaycan Dövlət Gənc Tamaşaçılar Teatrının tamaşalarına baxdıqda bunu daha aydın duymaq olur.

Kineşma tamaşaçılarının əsərin qəhrəmanı ilə görüşü aktyor və rejissor sənətkarlığının maraqlı aspektlərini ortaya qoymaqla yanaşı, aktyorun dramatik dərinliyi publikanı güclü emosiyalar yaşamağa sövq etdi.

Aktyor və rejissor əməyinin kökündə isə mənəvi-estetik dəyərlərin tərbiyələndirilməsinə zəmin yaradan Azərbaycanın zəngin mədəniyyəti dayanır.

Sizə Kineşma tamaşaçılarının Azərbaycan aktyorlarının teatr mədəniyyəti ilə ünsiyyəti üçün unikal imkan yaratdığınıza görə ürəkdən təşəkkür edir, rəhbərlik etdiyiniz teatr kollektivinə parlaq premyeralar və tamaşaçı ilə dolu salonlar arzu edirik. Gələcək əməkdaşlıqlara ümid edirik”.

Təşəkkür məktubunu Kineşma Şəhər Adminstrasiyasının rəhbəri A.V.Paxolkov və Kineşma Şəhər Dumasının sədri M.A.Batin imzalayıblar.

• Türkiyəli müğənni 10 il müddətinə həbs oluna bilər
• Xalq artisti Zaur Rzayevin vəziyyəti ağırdır
• "Sosial hesablama" niyə "Sosial şəbəkə"nin kölgəsində qaldı?