Azərbaycan filmi erməni münsifin olduğu festivalda

Azərbaycan filmi erməni münsifin olduğu festivalda
28 iyul 2014
# 08:00

Xəbər verdiyimiz kimi, rejissor Elçin Musaoğlunun “Nabat” tammetrajlı bədii filmi avqustun 27-dən sentyabrın 6-a kimi keçiriləcək 71-ci Beynəlxalq Venesiya kinofestivalının “Horizontlar” (Orizzonti) proqramında nümayiş olunacaq.

Bu proqramda E. Musaoğlu ilə yanaşı 16 rejissorun filmi yarışacaq.

“Senza nessuna pieta” filmi italyan aktyoru Michele Alhaiquenın rejissor kimi debütüdür.

Müstəqil Amerika kinosunun nümayəndələrindən biri Maykl Almereyda “Cymbeline” filmi ilə təmsil olunacaq. Almereyda Devid Linç, Vim Venders, Olivye Assayas kimi məşhur rejissorlara operator kimi əməkdaşlıq edib.

Digər amerikalı rejissor Ami Canaan Mann “Oskar”a nominant olmuş və Kannda mükafat almış rejissor Maykl Mannın qızıdır.

Bir neçə film və serial müəllifi olan 45 yaşlı rejissorun festivalda “Sənin doğru ideyan” filmi göstəriləcək.

Proqramda filmi nümayiş olunacaq digər rejissor italyan Franko Marescodur. O, eyni zamanda prodüserdir, televiziyada çalışır. Maresco “Berluskoni Siciliya tarixi” sənədli filmini təqdim edəcək.

“Realite” filmi ilə təmsil olunan fransız musiqiçisi, klipmeyker, rejissor Kventin Düpyenin “Yanlış” filmi Amerikanın Sandens festivalında nümayiş olunub, Qran-Priyə nominant olub.

“Horizontlar” proqramında jürinin sədri Honkonqlu rejissor, aktrisa, yeni Honkonq kinosunun əhəmiyyətli nümayəndələrindən biri Enn Hueydir. Onun “Sadə həyat” filmi 2011-ci ildə Venesiyada “Qızıl Şir” mükafatına nominant olub. “Yay qarı” (1995) filmi isə Berlin festivalında xüsusi mükafat alıb.

Bu ilki Venseiya festivalı isə onun “Qızıl era” filmi ilə bağlanacaq.

Jürinin digər üzvü İsveç aktrisası Auqust Pernilladır. O, dahi rejissor İnqmar Berqmanın İsveç teatrında səhnəyə qoyduğu tamaşalarda oynayıb.

Çeyz Devid serial prodüseri və ssenaristdir.

Fransada yaşayan Çad rejissoru Mahamat Saleh Harunun “Quru mövsüm” (2006) filmi Venesiyada, “Qışqıran adam“(2010) filmi Kannada xüsusi mükafat alıb.

Jürinin başqa üzvü isə erməni əsilli türk kino yazarı Alin Taşçiyandır. “Milliyət” qəzetində çalışan, TRT-də müxtəlif kino verilişləri aparan yazar Torino, Rotterdam, Kann film festivallarında FIPRESCI (Beynəlxalq Kino Mətbuat Federasiyası) jürisində yer alıb.

Festivalın əhəmiyyətinə görə ikinci proqramı olan “Horizontlar”da adətən eksperimental və avanqard filmlər nümayiş olunur. Bu proqram məşhur İran resjissoru Mohsün Malmalbafın “Prezident” filmi ilə açılacaq.

“Horizontlar” proqramında müxtəlif illərdə Spayk Li, Stiv Frirz, Terri Gilliam, Frederik Fonteyn, Tsay Minlyan kimi tanınmış rejissorların lentləri nümayiş olunub.

Mədəniyyət və Turizm nazirliyinin sifarişi ilə “Azərbaycanfilm”də istehsal olunan “Nabat” Qarabağ müharibəsinin dramatik hadisələrindən birini canlandırır. Filmin ssenari müəllifləri Elçin Musaoğlu, Elxan Nəbiyev, operatoru Abdulrəhim Beşarat, prodüseri Müşfiq Hətəmovdur. Rolları Fatimə Motamed Arya, Vidadi Əliyev, Ramin Zeynalov, Sabir Məmmədov və başqaları ifa edir.

# 3037 dəfə oxunub

Oxşar xəbərlər

2024-cü ilin ən uğursuz filmləri

2024-cü ilin ən uğursuz filmləri

17:19 15 iyul 2024
"Miniyonlar 3" cizgi filmi nə vaxt nümayiş olunacaq

"Miniyonlar 3" cizgi filmi nə vaxt nümayiş olunacaq

17:01 15 iyul 2024
ARKA yeni filmlərə dəstək müsabiqəsinin nəticələrini açıqladı

ARKA yeni filmlərə dəstək müsabiqəsinin nəticələrini açıqladı

14:30 12 iyul 2024
"The Shining" filminin aktrisası vəfat etdi

"The Shining" filminin aktrisası vəfat etdi

10:28 12 iyul 2024
"Əjdaha evi" izlənmə rekordu qırdı

"Əjdaha evi" izlənmə rekordu qırdı

13:42 11 iyul 2024
Hacı Zeynalabdin Tağıyev haqqında film Kanadada fəxri mükafata layiq görülüb

Hacı Zeynalabdin Tağıyev haqqında film Kanadada fəxri mükafata layiq görülüb

10:36 11 iyul 2024
# # #