Aprelin 21-də Azərbaycan Dövlət Akademik Opera və Balet Teatrı ilə İtaliyanın Azərbaycandakı səfirliyinin birgə mədəni proqramı çərçivəsində teatra tanınmış italyan balet truppası "Spellbound"un çıxışı olacaq.

Teatrdan Kulis.az-a verilən xəbərə görə, balet truppası Bakıda "Bir axşam Spellboundla"adlı proqram təqdim edəcək.

"Spellbound" balet truppasının əsası 1994-cü ildən tanınmış xoreoqraf Mauro Astolfi tərəfindən qoyulmuşdur. Mauro Astolfi müasir dövrün tanınmış italyan xoreoqraflarından biridir. O, Avropa və ABŞ-ın müxtəlif balet məktəblərinin təcrübələrindən istifadə etməklə yanaşı, quruluş verdiyi rəqslərə öz təkrarolunmaz üslubunu da əlavə edir. Xoreoqraf öz quruluşlarında klassik baletlə müasir rəqs elementlərindən ustalıqla istifadə edərək plastik, qeyri-adi ansambllar - duet və triolar qurur.

"Spellbound" mütəmadi olaraq bir çox milli və beynəlxalq balet festivallarında böyük uğurla çıxış edir. Son illərdə truppa öz proqramlarını Venesiya biennalisində, Hyustonda "Dance Salad Festival"ında, Banqkok beynəlxalq rəqs və musiqi festivalında, Seuldakı “SIdance”, Təl-Əvivdəki "Aviv" beynəlxalq caz festivalında, Quandunda rəqs festivalında, Valensiyada "Temporada" festivalında, həmçinin Milanda Karkano Teatrında, Bostonda Şubert festivalında, Klivlenddə Oqayyo Teatrında, Kataniyada Massimo Bellini Teatrında, Düseldorfda beynəlxalq Tanzmesse festivalında, Nyu-Yorkda APAP rəqs konfransında, Tokioda "Dance New Air" festivalında, Vankuverdə «Chutzpah!» rəqs festivalında təqdim etmişdir.

Truppanın çıxış etdiyi ölkələrin KİV və balet tənqidçiləri "Spellbound"un çıxışlarının professional səviyyəsinə hər zaman yüksək qiymət verirlər.

• Dünənin həqiqəti bu gün tərs yozum oldu... - Günün şeiri
• İdrak liseyində məktəblinin törətdiyi hadisənin pərdəarxası - Danışır Ulucay
• “Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə