Vaqif Mustafazadənin xatirəsi anılıb

Vaqif Mustafazadənin xatirəsi anılıb
16 mart 2018
# 10:21

Martın 15-də Beynəlxalq Muğam Mərkəzində bəstəkar, pianoçu, caz-muğam üslubunun yaradıcısı, Əməkdar İncəsənət Xadimi Vaqif Mustafazadənin doğum günü ərəfəsində görkəmli musiqiçinin yaradıcılığına həsr olunmuş konsert keçirilib.

Kulis.az Azərtaca istinadən xəbər verir ki, tədbirdə V.Mustafazadə haqqında qonaqlara ətraflı məlumat verilib, onun Azərbaycan musiqisindəki xidmətlərindən danışılıb.

Qeyd edilib ki, o, Azərbaycan musiqisinin, muğamının klassik Amerikan caz musiqisi ilə sintezini yaradıb. Onun musiqi stili "Caz-Muğam" adlanır. 1963-cü ildə Asəf Zeynallı adına Bakı Musiqi Kollecini bitirib, Bakı Musiqi Akademiyasına daxil olub. Burada kiçik konsertlər verib və klublarda çıxış edib. Dəyərli sənətkar əsasən klassik caz, bluz və oynaq mahnılar ifa edib. 1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib. Beynəlxalq caz müsabiqələri və festivallarının ("Tallin-66", "Tbilisi-78", "Monte-Karlo") laureatı olub. Fortepiano və simfonik orkestr üçün konsertin, "Muğam" simfoniyasının, bir sıra caz kompozisiyalarının və pyeslərin müəllifidir.

Bildirilib ki, xalq musiqisi, muğamdakı improvizasiyalarda caz elementləri görmüş və orijinal bir janr ortaya çıxarmış “Muğam” simfoniyasının müəllifi Vaqif Mustafazadə 1979-cu ildə Azərbaycan Respublikasının Əməkdar Artisti fəxri adına layiq görülüb.

V.Mustafazadə 1979-cu il dekabrın 16-da Daşkənddə qastrol zamanı ürək tutmasından vəfat edib və Bakıda dəfn olunub.

Sonra Vaqif Mustafazadə adına 2 nömrəli Uşaq İncəsənət Məktəbinin müəllim və şagirdlərinin ifasında maraqlı konsert proqramı təqdim edilib. Azərbaycan və dünya bəstəkarlarının kompozisiyaları və Vaqif Mustafazadənin əsərləri musiqi məktəbinin şagirdləri tərəfindən məharətlə ifa olunub. Əməkdar Artist Cavan Zeynallı da öz ifaları ilə gecəyə rəng qatıb.

# 1752 dəfə oxunub

Oxşar xəbərlər

"Silsinlər, əxlaqsızlıqdır!" - Məşhur film narazılığa səbəb oldu

"Silsinlər, əxlaqsızlıqdır!" - Məşhur film narazılığa səbəb oldu

12:05 4 aprel 2025
Kinotənqidçilər və Kinoşünaslar Gildiyasının mükafatına namizədlər

Kinotənqidçilər və Kinoşünaslar Gildiyasının mükafatına namizədlər

17:40 3 aprel 2025
“Hal” filmi təqdim edilib

“Hal” filmi təqdim edilib

09:49 3 aprel 2025
Filmimiz beynəlxalq mükafata layiq görüldü

Filmimiz beynəlxalq mükafata layiq görüldü

12:01 1 aprel 2025
Ərindən ayrılan Meqan Foksun övladı dünyaya gəldi

Ərindən ayrılan Meqan Foksun övladı dünyaya gəldi

15:00 29 mart 2025
O, Cavid Təvəkkülü kinoya yenidən qaytardı - Sevda Sultanova

O, Cavid Təvəkkülü kinoya yenidən qaytardı - Sevda Sultanova

12:30 27 mart 2025
# # #