Yuğ teatrı beynəlxalq festivalda mükafatla qayıdıb.
Kulis.az-ın teatrın mətbuat xidmətinə istinadən verdiyi xəbərə görə, avqustun 28-də Qazaxıstanın Aktau şəhərində Xəzəryanı Ölkələrin Birinci Beynəlxalq Teatr Festivalında iştirak edən Yuğ teatrı festivaldan mükafatla dönüb.
SSRİ-nin və Qazaxıstanın xalq artisti Asanali Aşimovun 80 illiyinə həsr olunmuş festivalda Mikayıl Mikayılovun quruluş verdiyi “Medeya. Sekvensiya 001.” tamaşası ilə iuştirak edən teatr “Xəzər renessansı” nominasiyası üzrə diplomla təltif olunub.
Tamaşanın rejissoru Mikayıl Mikayılov və aktrisa Gülzar Qurbanova Türksoy türk mədəniyyət qurumunun məşhur türk dramaturqu Haldun Tanerin 100 illiyinə həsr olunmuş medala layiq görülüb.
Xatırladaq ki, festivalda Azərbaycandan başqa İrandan (“Ayna” teatr qrupu), Dağıstandan (Noqay Dövlət Dram Teatrı), Həştərxandan (Həştərxan Dövlət Dram Teatrı), Alma-atadan (Auezov adına Qazax Dövlət Akademik Dram teatrı, Janturina adına Musiqili Dram teatrı) və başqa şəhərlərdən olan teatrlar və teatr qrupları iştirak edirdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər