Rejissor Kannda filmindən danışıb ağladı

Rejissor Kannda filmindən danışıb ağladı
16 may 2014
# 13:18

67-ci Kann festivalının əsas müsabiqəsi müasir ingilis kinosunun görkəmli nümayəndələrindən biri Mayk Linin “Uilyam Terner” adlı lirik epik filmi ilə başlayıb. Bioqrafik filmdə rejissor ingilis rəssamı Uilyam Ternerin həyatının son 25 ilini nəql edir.

“Terner incəsənətdə inqilab eləyib, eyni zamanda monoton həyat sürüb. Terner ekssentrik, eyni zamanda həssas adam olub, səxavəti ilə fərqlənib” - rejissor bu sözləri Kannda mətbuat konfransında deyib.

Rejissor deyir ki, material üzərində işləyəndə onun şəxsiyyətinə heyran olub.

Filmdə baş rolu ingilis aktyoru Timoti Spoll oynayıb. Mayk Li artıq 6-cı dəfədir ki, Kannda iştirak edir.

Onun “Sirlər və yalan” filmi 1996-cı ildə “Qızıl palma budağı”na layiq görülüb.

Tənqidçilərin fikrincə, film əsas mükafatlardan birini ala bilər.

Əsas müsabiqə çərçivəsində göstərilən ikinci film isə mavritanyalı rejissor Abderrahman Sissakonun “Timbuktu” filmi olub.

Real hadisələr əsasında çəkilən film 2012-ci ildə Mali şəhəri Timbuktunu edən islamçı qruplaşmaların işğalından bəhs edir.

“Mən göstərmək istəmişəm ki, hər şeyin-musiqinin, futbolun, kinonun qadağan olunduğu rejimdə insanlar necə yaşayır. Mübarizə aparan adamlar əsl cəsarət göstərirlər. Bu, insanlığın zorakılığa qarşı mübarizəsidir”.

Filmdən danışan rejissor mətbuat konfransında ağlayıb: ”Dünyanın faciələrə qarşı laqeydliyi və onları görməməyi dəhşətdir. Amma bununla belə filmim nikbindir”.

Filmin heyrətamiz səhnələrindən biri gənclərin futbolu topsuz oynamasıdır. Bununla belə onların hərəkətləri o qədər təbii və dəqiqdir ki, bu, onları müşahidə edən əxlaq polisini də çaşdırır.

Bu gün isə Kanadalı rejissor Atom Eqoyanın “Gecənin kraliçası” və Nuri Bilge Ceylanin “Qış yuxusu” filmi nümayiş olunacaq.

Ekspertlərin fikrincə, Ceylanın filmi ən yüksək mükafata layiqdir.

# 2417 dəfə oxunub

Oxşar xəbərlər

"Belə kino olmur!" - Xəyal Rzanın filmi haqqında

"Belə kino olmur!" - Xəyal Rzanın filmi haqqında

11:00 25 iyul 2024
"Ölsəm, bağışla"nın ulduzu 54 yaşında

"Ölsəm, bağışla"nın ulduzu 54 yaşında

14:00 24 iyul 2024
Gənc rejissor:  "O qız hicabsız olsaydı belə, filmdə..." - Müsahibə

Gənc rejissor: "O qız hicabsız olsaydı belə, filmdə..." - Müsahibə

21:00 23 iyul 2024
Brendan Freyzerin yeni rolu məlum olub

Brendan Freyzerin yeni rolu məlum olub

11:58 23 iyul 2024
6 ayda 20 film nümayiş olunub - Hesabat

6 ayda 20 film nümayiş olunub - Hesabat

13:28 22 iyul 2024
"Təəssüf ki, kino mərkəzi fəaliyyətini dayandırdı..." - Açıqlama

"Təəssüf ki, kino mərkəzi fəaliyyətini dayandırdı..." - Açıqlama

10:58 22 iyul 2024
# # #