2014-cü ildə Mədəniyyət və Turizm Nazirliyinin sifarişi ilə C.Cabbarlı adına “Azərbaycanfilm” kinostudiyasında lentə alınan Asif Rüstəmovun “Axınla aşağı” tammetrajlı bədii filmi Amerika Birləşmiş Ştatlarında keçiriləcək iki beynəlxalq festivala dəvət alıb. Bu barədə Kulisə “Azərbaycanfilm”dən məlumat verilib.

10-19 aprel tarixlərində Hyustonda keçiriləcək məşhur Worldfest-Houston International Film Festivalı çərçivəsində filmin Amerika təqdimatı baş tutacaq. “Axınla aşağı” festivalın əsas proqramında yer alıb. Film həmçinin 30 aprel – 7 may tarixlərində Los Ancelesdə keçirələcək SEEfest Film Festivalında nümayiş etdiriləcək. Festival Amerika Kino Akademiyasının xüsusi dəstəyi ilə keçirilir və seçilmiş Avropa filmlərinin ABŞ-da tanınmasında böyük rol oynayır.

Məlumat üçün bildirək ki, “Axınla aşağı” filminin ssenari müəllifləri Asif Rüstəmov və Otar Pertaxia, quruluşçu operatoru Ayxan Salar, quruluşçu rəssamı Rafiz İsmayılov, bəstəkarı Xəyyam Mirzəzadə, icraçı prodüseri Nadir Əliyev, prodüseri Müşfiq Hətəmovdur. Filmdə baş rolları Namiq Ağayev, Mehriban Zəki, Aleksandra Andrejevski, Teymur Məmmədov və digərləri canlandırır. Filmin dünya premyerası 1263 kino mütəxəssisinin - ümumilikdə 12 min 433 akkreditasiya olunmuş ziyarətçinin qatıldığı nüfuzlu Karlovy Vary Beynəlxalq Film Festivalı (Çexiya) çərçivəsində “East of the West” müsabiqə proqramında gerçəkləşib.

• Müğənni Rəqsanə ev dustaqlığına buraxıldı - Yenilənib
• Bu verilişə görə MTV ilə bağlı cərimə protokolu yazıldı
• "Titanik" filmi canlı orkestrin müşayiəti ilə təqdim ediləcək