Nazirlik rəsmisi: “Kinomuzun inkişaf konsepsiyası hazırlanır"

<span style="color:red;">Nazirlik rəsmisi:  “Kinomuzun inkişaf konsepsiyası hazırlanır"
14 mart 2019
# 16:12

Ölkə başçısının “Azərbaycan kinematoqrafiyasının inkişafı ilə bağlı bəzi tədbirlər haqqında” müvafiq Sərəncamının icrası ilə bağlı ciddi işlər görülür.

Sərəncamın 1-ci bəndində Mədəniyyət Nazirliyinə Azərbaycan Respublikası Kinematoqrafçılar İttifaqının və digər aidiyyəti qurumların təkliflərini nəzərə almaqla “Azərbaycan kinematoqrafiyasının inkişaf Konsepsiyası”nın hazırlanması tapşırılıb. Sərəncamın sözügedən bəndinin icrası məqsədilə tanınmış kino mütəxəssislərindən, bu sahədə fəaliyyət göstərən ictimai təşkilatların və müstəqil prodüser mərkəzlərinin nümayəndələrindən, dövlətin kino sahəsinə məsul şəxslərindən ibarət İşçi Qrupu yaradılıb.

Ölkədə kinematoqrafiya sahəsində uğurlu fəaliyyət göstərən dövlət və özəl kino istehsalı, eləcə də nümayişi müəssisələrinə, bu sahədəki ictimai təşkilatlara Nazirlik tərəfindən müvafiq məktublar göndərilərək sözügedən Konsepsiya ilə bağlı təkliflərini təqdim etmək xahiş olunub.

Bu barədə Mədəniyyət Nazirliyinin informasiya və ictimaiyyətlə əlaqələr şöbəsinin müdiri İntiqam Hümbətov məlumat verib.

Sərəncamın 2-ci bəndinə əsasən dövlət sifarişi ilə film istehsalını həyata keçirmək, həmçinin milli kinematoqrafiya sahəsində fəaliyyət göstərən şəxslərə dəstək olmaq, onların yaradıcılığını stimullaşdırmaq və yeni yaradıcı qüvvələri kinodramaturgiya sahəsinə cəlb etmək məqsədilə bir sıra müsabiqələrin keçirilməsi nəzərdə tutulub. İlkin olaraq bu günlərdə tammetrajlı bədii film ssenariləri müsabiqəsinin elan olunması istiqamətində iş aparılır.

Nazirlik rəsmisinin sözlərinə görə, növbəti mərhələdə qısametrajlı bədii filmlər, eləcə də sənədli və cizgi filmlərlə bağlı müsabiqələrin, gənc kinematoqrafçılara dəstək məqsədilə müxtəlif layihələrin həyata keçirilməsi planlaşdırılır.

İlkin mərhələdə elan olunacaq bədii film müsabiqəsində hər hansı janr məhdudiyyəti olmadan vətənpərvərlik, milli mənəvi və ümumbəşəri dəyərlər, uşaq və gənclər, eləcə də, müasir həyatın digər prioritet mövzularında ssenarilər iştirak edə biləcək.

İntiqam Hümbətov deyib ki, müsabiqəyə təqdim olunan ssenarilər əsasən tanınmış kino mütəxəssislərindən ibarət münsiflər heyəti tərəfindən qiymətləndiriləcək.

“Sərəncama əsasən ölkədə film istehsalını yüksək səviyyədə təmin etmək məqsədilə dövlət kino müəssisələrinin maddi-texniki bazasının təkmilləşdirilməsi istiqamətində də işlərin görülməsi nəzərdə tutulub”,- deyə Mədəniyyət Nazirliyinin informasiya və ictimaiyyətlə əlaqələr şöbəsinin müdiri vurğulayıb. /azertag.az/

# 2409 dəfə oxunub

Oxşar xəbərlər

Yasaq sevgi hekayəsi - Yeni serial

Yasaq sevgi hekayəsi - Yeni serial

18:48 24 aprel 2025
700 layihə arasından seçilmiş - "Kür"

700 layihə arasından seçilmiş - "Kür"

12:40 24 aprel 2025
Trampın betonla savaşı, İsanın anası və yəhudilər - Ömər Xəyyam

Trampın betonla savaşı, İsanın anası və yəhudilər - Ömər Xəyyam

09:00 24 aprel 2025
“Mənim sehrli dünyam” təqdim ediləcək

“Mənim sehrli dünyam” təqdim ediləcək

18:30 23 aprel 2025
Oqtay Mirqasımovun filmi 60 ildən sonra təqdim olunur

Oqtay Mirqasımovun filmi 60 ildən sonra təqdim olunur

13:17 23 aprel 2025
Yeni Oskar qaydaları nə vaxtdan tətbiq olunacaq?

Yeni Oskar qaydaları nə vaxtdan tətbiq olunacaq?

11:00 23 aprel 2025
#
#
# # #