Kinotənqidçi Hacı Səfərov bu dəfə kamera arxasına keçib.

Kulis.az xəbər verir ki, o, Rahim Dünyamalının “Tərsinə addımlayan kölgələr” romanının motivləri əsasında yazdığı ssenarini ekranlaşdırmaq qərarına gəlib.

Hacı Səfərovun debüt filmi dram janrındadır. İllər sonra türmədən çıxan Hüseyn həyat yoldaşı Gülşadı görüşmək üçün çağırır. Gülşad illər sonra sevdiyi insana qovuşacağı üçün ümidlidir. Üstəlik o, bəzi cavabsız qalan suallara da məntiqli bir açıqlama gözləyir. Hüseynin onunla görüşlərə niyə çıxmadığını, cinayəti edib-etmədiyini öyrənmək istəyir. Hüseynin də görüşləri barədə öz planı var. Onlar öz keçmişləri ilə üzləşmək üçün yalnızca bir girişi olan hər kəsdən və hər şeydən uzaqda olan mağaraya girirlər.

Filmdə baş rolları Əməkdar artist Rasim Cəfər və Zülfiyyə Məmmədova canlandırıblar.

Qeyd edək ki, Azərbaycan Kinmatoqrafçılar İttifaqı filmin çəkilişlərinə maliyyə dəstəyi göstəribb.

YARADICI HEYƏT:

İl: 2024

İstehsalçı: Chinar Film

Müddət: 25 dəqiqə

Janr: dram

Rejissor: Hacı Səfərov

Ssenari müəllifi: Hacı Səfərov

Operator: Elvin Məmməd

Rəssam: Bahar Dəmir

Bəstəkar: Nigar Süleyman

Montajmı: Mirzəli Əlizadə

İkinci rejissor: Vəfa Fətullayeva

Xətt prodüseri: Ülviyyə Məmmədova

Prodüserlər: Emil Nəcəfov, Hacı Səfərov, Türkan Hüseyn

• “M.S.S” tamaşasının premyerası keçirildi
• Hande Erçel və Barış Arduçdan yeni film: "Aşkı hatırla"
• Bred Pittin yeni filminin gözlənilməz uğuru