Aktrisa Şarliz Teron "Netflixdə yayımlanan "Zirvə" filminin çəkilişləri zamanı heç bir qoruyucu vasitə olmadan təhlükəli hərəkətlər etdiyini deyib.
Kulis.az xəbər verir ki, aktrisanın sözlərini "İndependent" nəşri yayımlayıb.
"Ölümsüz qvardiya 2"dən daha təhlükəli
49 yaşlı məşhurun sözlərinə görə, çəkilişlərin birində o, hətta xəsarət alıb – ayaq barmağı sınıb. Aktrisa deyib ki, yeni layihədəki hərəkətlər hətta "Ölümsüz qvardiya 2" döyüş filmi üçün etdiyi hərəkətləri belə geridə qoyub.
Bütün bunlara baxmayaraq, Teron "Zirvə"nin çəkilişlərini həyatının ən inanılmaz təcrübələrindən biri adlandırıb və bu layihə ilə fəxr etdiyini vurğulayıb.
Vəhşi təbiətdə manyakla ölüm-dirim mübarizəsi
Filmdə Teron ağır itki yaşamış və təsəllini vəhşi təbiətdə axtaran bir qadını canlandırır. Lakin onun sakitliyini bir manyak pozur və qəhrəman özündən asılı olmayaraq təhlükəli bir oyuna cəlb olunur. Çəkilişləri Avstraliyanın Yeni Cənubi Uels ştatında aparılan ekran işinin premyerası aprelin 24-də "Netflix" platformasında baş tutub.
Şalamenin sözlərinə sərt reaksiya
Qeyd edək ki, bu yaxınlarda Teron "The New York Times" qəzetinə müsahibəsində həmkarı Timoti Şalamenin insanların artıq balet və operaya maraq göstərməməsi ilə bağlı səsləndirdiyi fikirləri düşüncəsizlik adlandırmışdı. Aktrisa rəqqasları "superqəhrəman" hesab etdiyini və onların əməyinin nə qədər ağır olduğunu çox yaxşı anladığını bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər