1987-ci ilin əfsanəvi "Star Wars" parodiyası olan "Spaceballs"un uzun illərdir gözlənilən yeni versiyasının rəsmi adı açıqlanıb.
Kulis.az xəbər verir ki, aktyor Mel Bruks filmin rəsmi adının "Spaceballs: The New One" olduğunu deyib.
Filmin ən böyük sürprizi orijinal heyətin demək olar ki, tam tərkibdə qayıtmasıdır. Xüsusilə uzun müddətdir kinodan uzaqlaşan Rik Moranis yenidən ekranlara dönür. Onunla bərabər Mel Bruks, Bill Pullman , Dafni Zuniqa və Corc Vayner də öz məşhur obrazlarını yenidən canlandıracaqlar.
Filmdə yeni simalar da yer alacaq. "Anora" filminin ulduzu Coş Qad, Keke Palmer və Entoni Karriqanla yanaşı, heyətdə maraqlı bir ad diqqət çəkir. Orijinal filmin ulduzu Bill Pullmanın oğlu, "Top Gun: Maverick"dən tanıdığımız Luis Pullman da filmə daxil olub. Məlumata görə, o, filmdə atasının canlandırdığı Lone Starr obrazının oğlunu oynayacaq.
Rejissor kürsüsündə Coş Qrinbaumun əyləşdiyi "Spaceballs: The New One" filmi 23 aprel 2027-ci il tarixində kinoteatrlarda nümayiş olunacaq. Bu tarix orijinal filmin 40 illik yubileyinə təsadüf edir. Süjet xətti hələlik gizli saxlanılsa da, filmin təkcə "Star Wars"u deyil, həm də "Avatar" və "Harry Potter" kimi müasir blokbasterləri də parodiya edəcəyi gözlənilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
