Azərbaycan Respublikası Mədəniyyət Nazirliyi və Azərbaycan Kinematoqrafçılar İttifaqının maliyyə və təşkilatı dəstəyilə nəşr olunan, kino peşəkarlarının və kino həvəskarlarının maraqla izlədiyi “Fokus” analitik kino jurnalı 11-ci nömrəsilə oxucularının görüşünə gəlib.

Kulis.az xəbər verir ki, yeni müəlliflər də cəlb etmək, yeni kinoşünaslar nəsli yetişdirmək əzmində olan jurnalın 11-ci nömrəsində Rəhman Bədəlov, Nadir Bədəlov, Aygün Aslanlı, Sevda Sultanova, Hacı Səfərov Elxan Xanəlizadə, Aliyə Dadaşova ilə yanaşı, tanınmış imzalardan Qismət Rüstəmov, Elçin Şamili və Teymur Daimi kimi müəlliflərin məqalələri də yer alıb.

Azərbaycan Kinematoqrafçılar İttifaqının katibi, “Fokus” analitik kino jurnalının baş redaktoru, rejissor Əli İsa Cabbarov jurnalın “Ön söz”ündə qeyd edir ki, kinomuzdakı prosesləri müşahidə edəndə və ya filmlərin estetik keyfiyyətini analiz edəndə zəka qıtlığı hiss edirsən: “Ədəbi nəsrimiz və kinomuz, ssenari və istehsal, özəl film şirkətləri və dövlət sifarişi münasibətləri daha effektiv qurularsa, bu da zəka göstəricisi sayıla bilər. Post-İbrahimbəyov dövrü bu zəka qıtlığını aradan qaldıra biləcəkmi? “Nəsrimiz və kinomuz” mövzusu da cari nömrənin fokusundadır. Belə ki, şair, esseist Qismət Rüstəmov İsi Məlikzadənin irsi, kinoşünas Hacı Səfərov isə Yusif Səmədoğlunun “Qətl günü” romanının ekranlaşdırılması nümunəsində mövzunu araşdırır.

Qeyd edək ki, Gənc Film İstehsalçıları Assosiasiyasının nəşri olan “Fokus” analitik kino jurnalının ilk nömrəsi 2008-ci ildə işıq üzü görüb.

aki.az

• "Buratino" tamaşası Sumqayıtda
• Luvr muzeyindəki oğurluq haqqında film çəkiləcək
• Milli Kitabxanada ənənəvi və virtual sərgi təşkil edildi