Bəzi aktyorlara, aktrisalara özlərinin çəkildiyi filmləri görmək qismət olmayıb. Ya film tamamlanmamış, ya da yayımlanmamış vəfat ediblər.

Kulis.az həmin məşhurlardan bəzilərini təqdim edir.


Ceyhun Mirzəyev - "Fəryad" (1993)

Ceyhun Mirzəyevin son quruluş verdiyi filmi “Fəryad” olub. Özü bu filmini görə bilmədi. Amansız ölüm ona imkan vermədi ki, heç olmasa filmin premyerasında iştirak etsin. Studiyada çəkiliş vaxtı özünü pis his edən Ceyhun Mirzəyev evə güclə çatdırılıb. Həmin gün “Fəryad” filmi haqqında hazırlanacaq televiziya proqramında iştirak etməli idi. Amma ikinci dəfə keçirdiyi insult onun ölümünə səbəb oldu.
Nə filmin sonunu, nə də 47 yaşını görən aktyor öz qalibiyyətini “Fəryad”ın timsalında seyr edə bilmədi.

Heath Ledger – "The Dark Knight" (2008) ("Qaranlıq Cəngavər")

Joker rolunda çəkilən Ledger filmin premyerası olmamış vəfat edib və ölümündən sonra Oskar qazanıb.

Paul Walker – "Fast & Furious 7" (2015) - ("Sürətli və Qəzəbli 7")

Paul Volker 2013-cü ildə avtomobil qəzasında həlak olub, lakin filmin çəkilişləri hələ bitməmişdi.

Brandon Lee – "The Crow" (1994) ("Qarğa")

Brandon Li filmin çəkilişi zamanı silahla ehtiyatsız davranmağın qurbanı olub.

Tupac Shakur – "Gang Related" (1997)

Repçi və aktyor Tupak Şakur çəkilişlər bitdikdən sonra 1996-cı ildə ölüb. Filmin nümayişi isə onun ölümündən sonra baş tutub.

James Dean – "Rebel Without a Cause" (1955) ("Səbəbsiz üsyançı")

Ceyms Din 1955-ci ildə avtomobil qəzasında ölüb. Onun məşhur filmlərindən bir neçəsi ölümündən sonra yayımlanıb.

• Kino Agentliyi 5 yeni film layihəsinə maliyyə vəsaiti ayırdı
• Zvyaqinstsevin filmi Fransanı "Oskar"da təmsil edəcək
• Həqiqəti həyat yoldaşından gizlətdilər – Əhməd Cəmilin son tərcüməsinin taleyi