Fransalı aktyor Alen Delon vəfat edib.
Kulis.az xəbər verir ki, 88 yaşlı aktyor gecə saatlarında vəfat edib.
Alen Delon 8 noyabr 1935-ci ildə Fransada anadan olub. Teatr və kino aktyoru, kinorejissor, ssenarist və prodüser olub. Aktyor “Parlaq günəşdə” (1960), “Rokko və qardaşları” (1960), “Leopard” (1963), “Qara lalə” (1964) filmləri ilə böyük şöhrət qazanıb, “Qızıl Qlobus”a layiq görülüb. “Bizim tariximiz” filmində ən yaxşı kişi roluna görə 1984-cü ildə Sezar mükafatı laureatı olub. Xüsusən yaraşıqlı olması ilə də diqqət çəkib.
Aktyorun həyatının son illəri uşaqlarla bağlı müxtəlif qalmaqallar və məhkəmə çəkişmələri ilə kölgədə qalıb. Ailə çəkişmələrinin səbəblərindən biri miras bölgüsü məsələsi olub. Delona yaxın adamlar övladlarının aktyoru öldürməyə cəhddə ittiham ediblər. Aktyorun özü 2022-ci ildə evtanaziya yolu ilə ölmək istədiyini bildirib.
Qeyd edək ki, bu ilin aprelində Fransanın Montarji kommunasının məhkəməsi Alen Delon üçün gücləndirilmiş qəyyumluq rejimi təyin edib. Delonun gəliri və əmlakı qəyyumun öhdəsinə keçdi. Lakin həmin şəxsin adı açıqlanmayıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər