Qısametrajlı Film Mükafatı təsis edildi

Qısametrajlı Film Mükafatı təsis edildi
17 aprel 2020
# 17:10

İslam Dünyası Təhsil, Elm və Mədəniyyət Təşkilatı (ISESCO) “ISESCO Rəqəmsal Ev” təşəbbüsünün “Distant Mədəniyyət” layihəsi çərçivəsində İSESCO Qısametrajlı Film Mükafatını elan edir.

Mədəniyyət Nazirliyindən APA-ya verilən məlumata görə, mükafat gəncləri bədii yaradıcılığa həvəsləndirmək, onların bədii və sənədli filmlər istehsal etmək istedadlarını üzə çıxarmaq və sülh mədəniyyətini yaymaq məqsədi daşıyır.

Mükafat həmçinin film istehsalını təşviq etmək, ISESCO-nun Qısametrajlı Filmlər Fondunu qurmaq, "həyat iqtisadiyyatı" və gələcək iş formaları, yaradıcılıq, istehsalat və iş yerlərinə dair gələcək təxminləri formalaşdırmağa kömək etmək məqsədlərinə də xidmət edir.

Mükafat ən yaxşı 3 qısametrajlı filmə müvafiq olaraq 8.000 ABŞ dolları, 6.000 ABŞ dolları və 4.000 ABŞ dolları məbləğində olmaqla veriləcək.

Əlavə olaraq, müsabiqədə iştirak edən filmlər aşağıdakı kateqoriyalara bölünməlidir: dram, sənədli, irs və folklor, bəşəri dəyərlər, sağlamlıq və ətraf mühit, uşaq filmləri, koronavirus (COVID-19) dövründəki gündəlik həyat və komediya. Filmdə səsli danışıq olmadan təbii səslər və ya musiqi (təbiət və heyvan filmləri) ola bilər.

Müsabiqədə iştirak üçün, qısametrajlı film:

  1. Xronometrajı 4 dəqiqədən çox olmamalıdır;

  1. Əvvəllər hər hansı başqa bir müsabiqəyə təqdim edilməmiş olmalıdır;

  1. Bəşəri, dini və ya milli dəyərlərə xələl gətirməməlidir;

  1. İSESKO-nun üç rəsmi dilindən (ərəb, ingilis və fransız) birində subtitr yazısı olmalıdır;

  1. Bu email ünvanına göndərilməlidir: [email protected].

ISESCO həmçinin bəyan edir ki, Üzv Dövlətlərin Milli Komissiyaları və səlahiyyətli tərəfdaşlar Mükafatın elan edilməsində iştirak edəcək və İSESCO qaliblərin seçimi üçün münsiflər heyəti təyin edəcək. Mükafatlar Mərakeş Krallığının Rabat şəhərində, İSESCO-nun baş qərargahında baş tutacaq xüsusi mərasimdə təqdim ediləcək.

Təqdirəlayiq haldır ki, ISESCO “Distant Mədəniyyət” təşəbbüsü çərçivəsində aşağıdakı yaradıcılıq sahələrinin hər biri üzrə üç tələbəyə mükafat ayırıb: Qısa hekayə yazmaq, rəsm çəkmək; və musiqi kompozisiyası və ya digər yaradıcı məhsul yaratmaq. Mükafatlar müvafiq olaraq 6.000 ABŞ dolları, 4.000 ABŞ dolları və 2.000 ABŞ dolları məbləğindədir.

Mükafat üzrə nominasiyalarla bağlı suallar Mədəniyyət Nazirliyi yanında fəaliyyət göstərən ISESCO üzrə Azərbaycan Respublikasının Milli Komissiyasına göndərilməlidir.

E-mail: [email protected]

# 2568 dəfə oxunub

Oxşar xəbərlər

Küçə ticarətindən kinoya gələn böyük aktyor - Yeşilçam klassiki Tarık Akan kim idi?

Küçə ticarətindən kinoya gələn böyük aktyor - Yeşilçam klassiki Tarık Akan kim idi?

18:24 16 sentyabr 2025
Məşhur Hollivud aktyoru vəfat etdi

Məşhur Hollivud aktyoru vəfat etdi

16:51 16 sentyabr 2025
“Yaşıl çəmən”  filmi Linz Akademiyasının inkişaf proqramında

“Yaşıl çəmən” filmi Linz Akademiyasının inkişaf proqramında

13:46 16 sentyabr 2025
Gündəlik iş, eyni vərdişlər - Ehtiyaclar bizi necə dəyişdirir?

Gündəlik iş, eyni vərdişlər - Ehtiyaclar bizi necə dəyişdirir?

13:22 16 sentyabr 2025
"Şah ölüm"  nümayiş olundu

"Şah ölüm" nümayiş olundu

11:00 16 sentyabr 2025
Məşhur türk aktyoru intihara cəhd etdi

Məşhur türk aktyoru intihara cəhd etdi

16:59 15 sentyabr 2025
Ana səhifə Yazarlar Bütün xəbərlər