Beynəlxalq Buker Mükafatına əsas namizədlərin adları açıqlandı.
Kulis.az rus mətbuatına istinadən xəbər verir ki, Beynəlxalq Buker Mükafatının qısa siyahısı açıqlanıb. Buraya müxtəlif ölkələrdən altı müəllif daxil edilib.
On üç nəfərlik siyahıdan seçilən altı müəllif dünya xəritəsinin müxtəlif nöqtələrini təmsil edirlər. Almaniya, Hollandiya, Yaponiya, Meksika, Argentina və İran ölkələrini təmsil edən müəlliflər və əsərlər bunlardır:
Daniel Kelman - "Til"
Şukufa Hazard "Gavalı ağacının maariflənməsi"
Qabriela Kamara - "Çin dəmirinin sərgüzəştləri"
Marika Lukas Reyneveld "Axşam narahatlığı"
Fernanda Melhor "Qasırğa mövsümü"
Yoko Oqava "Yaddaş polisi"
Buker mükafatının Londonda keçirilən ənənəvi təntənəli mərasimi koronavirus səbəbi ilə ləğv edilib. Qalib 19 Mayda elan ediləcəkdir.
Xatırladaq ki, Beynəlxalq Buker Kitab Mükafatı 2004-cü ildə təsis edilmiş və 2016-cı ilə qədər hər iki ildə bir dəfə verilmişdir. Sonradan isə hər il təqdim edilən mükafatın pul ekvivalenti 65 min dollardır. Bu pul ənənəvi olaraq müəllif və tərcüməçi arasında bölüşdürülür.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
