Sünnətə qarşı çıxdı, üzr istədi

Kino

Ana səhifə
Kino

Sünnətə qarşı çıxdı, üzr istədi

16 iyun 2011

11:38

Kulis.azın The Hollywood Reporter qəzetinə istinadən verdiyi xəbərə görə,
məşhur aktyor Rassel Krou Twitter-də sünntələ bağlı verdiyi şərhdən sonra yaranmış qalmaqalı sakitləşdirməyə çalışıb.

Avstraliyalı aktyor sünnətin tərəfdarları və əleydarlarının qızğın mübahisəsindən sonra bu şərhini silib.

O, üzr istəyərək bütün mədəniyyətlərə və ənənələrə sevgisini bildirib: “Çox təssüflənirəm ki, fikirlərim əksər insanlarda məyusıuq yaradıb. Mənim şəxsi fikirlərim önəm daşımır. Mən bilirdim ki, bəziləri şərhimi başqa mədəniyyətlərə və ənənələrə hörmətsizlik kimi interpretasiya edəcək. Mən üzr istəyirəm”.

Bir qədər əvvəl aktyor kifayət qədər kəskin formada sünnət prosedurunu tənqid edərək onu barbarlıq adlandırıb:
”Sünnət- barbarlıq və tam kütlükdür. Siz kimsiz ki, təbiəti korrektə edirsiz? Uşaqlar həmişə mükəmməldir. Əgər siz hesab edirsizsə, uşaqlarınızın harasınısa kəsməyə haqqınız var, məni dostluqdan silin. Mən barbarlığın əleyhinəyəm.”

Rəna Nevzat