Kino

Elçin Həmidovun son tamaşası

Elçin Həmidovun son tamaşası
7 iyun 2011
# 15:58
İyunun 29-da Azərbaycanın tanınmış aktyoru, əməkdar artist Elçin Həmidovun 53 yaşı tamam olur. Həmin gün aktyorun şərəfinə Azərbaycan Dövlət Musiqili Komediya Teatrında “Hərənin öz ulduzu” (S.Ələsgərov, İ.Məlikzadə) tamaşası nümayiş olunacaq. Mərhum aktyor bu tamaşada uzun illər Nəzir obrazını ifa edib.

Teatrdan Kulis.az-a verilən məlumata görə, tamaşadan öncə teatrın ədəbi hissə müdiri, sənətşünaslıq doktoru, professor Məryəm Əlizadə çıxış edərək Elçin Həmidovun yaradıcılığı ilə bağlı tamaşaçılara məlumat verəcək.

Elçin Həmidov 1958-ci ildə anadan olmuş, 1981-ci ildə İncəsənət İnstitutunun Dram-kino aktyoru fakültəsini bitirmişdi. 1983-cü ildən Azərbaycan Dövlət Musiqili Komediya Teatrında artist-vokalist kimi fəaliyyət göstərmiş Elçin Həmidov “Boşanaq, evlənərik” tamaşasında İkram, “Qarğa məndə qoz var”da Zərzibonski, “Qızıl gül”də Azay, “Beş manatlıq gəlin”də Nadir, “Özümüz bilərik”də Miriş, “Subaylarınızdan görəsiniz”də Mayıl, “Hərənin öz ulduzu”nda Nəzir, “Nəğməli Könül”də Mustafa, “Səhnədə məhəbbət”də ofisiant, “O olmasın, bu olsun”da Rza bəy, “Talelər qovuşanda”da Potuş rollarını ifa edib.

Qoqolun “Evlənmə” tamaşasındakı Yaishnitsa obrazı mərhum aktyorun səhnədə son rolu oldu. Aktyor 101-ci teatr mövsümündə, 2011-ci il martın 5-də vəfat etdi.

Teatr kollektivi aktyorun xatirəsinə hörmət əlaməti olaraq, iyun ayının 29-da Elçin Həmidovun bu sevimli tamaşası ilə mövsümü yekunlaşdıracaq. Tamaşa Azərbaycan Dəniz Gəmiçiliyi İdarəsinin Mədəniyyət Evində – Xaqani küçəsi 16 ünvanında təqdim olunacaq.

Ramilə Qurbanlı
# 2286 dəfə oxunub

Oxşar xəbərlər

“Oskar”dan süni intellektlə bağlı mesaj - İnsan yaradıcılığı əsas olaraq qalacaq

“Oskar”dan süni intellektlə bağlı mesaj - İnsan yaradıcılığı əsas olaraq qalacaq

18:40 29 oktyabr 2026
“Minions & Monsters” ekranlara qayıtdı

“Minions & Monsters” ekranlara qayıtdı

18:00 29 oktyabr 2026
Liv Şrayber və Stiven Qrem yeni serialda

Liv Şrayber və Stiven Qrem yeni serialda

15:30 29 oktyabr 2026
Hollivudun klassik "kino qalası" təhlükə altındadır? - “TCM”in gələcəyi sual doğurur

Hollivudun klassik "kino qalası" təhlükə altındadır? - “TCM”in gələcəyi sual doğurur

11:40 29 oktyabr 2026
Rüfət Əsədovun "Ananın duası" sənədli filmi Moskva Yəhudi İcmasında nümayiş olundu

Rüfət Əsədovun "Ananın duası" sənədli filmi Moskva Yəhudi İcmasında nümayiş olundu

10:08 29 oktyabr 2026
“Harri Potter” serialının aktyor heyəti genişlənir: Ceyms və Lili Potter də seçildi

“Harri Potter” serialının aktyor heyəti genişlənir: Ceyms və Lili Potter də seçildi

10:40 28 oktyabr 2026
#
#
Ana səhifə Reels Yazarlar Xəbərlər